Presidente Duterte, miadmitar nga siya mismo ang angayang basulon sa pagkamatay sa mga drug lords og sa mga mayor

 

Giangkon ni Pangulong Rodrigo Duterte ang tibuok responsibilidad sa pagkamatay sa pipila ka  gidudahang drug traffickers ug daghang alkalde taliwala sa iyang war on drugs.

 

Gipahayag kini sa Presidente subay sa  planong imbestigasyon sa International Criminal Court sa libo-libong mga pagpatay nga nahitabo  sa ilawom sa dugong kampanya kontra ilegal nga droga.

 

Gidason sa Presidente, gituyo man o wala  giangkon  niya nga usa siya sa mga adunay kasal-anan niini.

 

Gipasabot niya, siya ang angayang basulon sa mga napatay nga mayor og mga politiko nga gi-raid sa kapulisan.

 

Gibarugan usab sa Labawng Ehekutibo nga motubang lamang siya sa mga korte nga gikuptan sa  Pilipinas.///