Titser nga nag TikTok gipatawag sa DepEd

 

Wala gikunsintir sa Department of Education (DepEd) ang bisan unsang matang sa pag-abuso sa mga kabataan.

 

Kalabot niini, gimanduan ni DepEd Sec. Leonor Briones ang Regional Director sa DepEd Central Luzon nga imbestigahan guilayon ang viral Tiktok video sa usa ka magtutudlong lalaki nga nagpakita og potensiyal nga aksyon sa pagpangabuso sa estudyante og hatagan ug tukmang silot.

 

Gipahinumduman ni Briones ang mga magtutudlo og non-teaching personnel nga kanunayng ipahiluna  ang ilang mga pulong ug lihok, lakip ang mga aktibidad sa social media, ug segurohon nga  matuman ang taas nga lebel sa  ethical and professional  standard.

 

Sa pagsaulog sa National Children’s Month, padayon nga palagsikon sa DepEd ang mga kalagdaan niini og  mga aktibidad sa paglapad sa kapasidad aron mas ikapaasdang pa ang adbokasiya nga protektahan ang mga estudyante batok sa bisan unsa mang matang sa pagpang-abuso.///