Cong Rufus Rodrigez supak sa LTO Comprehensive Drivers Education

 

 Gibabagan ni House Deputy Speaker ug Cagayan de Oro 2nd District Rep Rufus Rodriguez ang laraw sa LTO nga pagbaton sa mga driver sa Comprehensive Drivers Education ayha maka renew sa ilang mga lisensiya.

 

Kini human nagtoo ang kongresista nga magamit kini sa kurapsyon ug pagpangabuso sa pipila nga anaa sa ahensiya. Kini ang hinungdan nga miduso siya’g balaodnon aron babagan ang maong tinguha sa ahensiya.

 

Gibutyag ni Rodriguez tungod sa kadaghan sa magkuha niini, may pipila na lamang ka mga individual ang mobayad ug dako sa mga driving school bisan wala moagi sa seminar.

 

Samtang gitin-aw ni LTO-10 Director Nelson Manaloto nga igo lamang sila nga motuman kon unsa ang mando kanila gikan sa kauluhan.

 

Namugos si Manaloto nga wala silay nakitang sayop kon ipaubos sa Comprehensive Drivers Education ang drivers ayha tugtang maka renew sa drivers license.

 

Nangugat usab ang opisyal nga maayo ang ilang tinguha niini sukwahi sa pagtoo sa uban nga mosamot ang paghitak sa kurpasyon sulod sa ahensiya.

 

Hisayrang dili usab malalis nga usa ang LTO nga dunay isyu sa kurpasyon sa dugay nang panahon dinhi sa nasud.///