Tulo nasikop nakuha-an ug 250 ka mga sachet sa “Shabu”

Ozamiz City – Duha ka gatos ug kalim-an (250) kapin kun kulang ka mga plastic sachet sa gikatahapang illegal nnga druga “Shabu” ang nakompiska ug nadakpan ang suspetsado nga naghupot ug nag payuhot sa mga mga epektos sa kapolisan sa Ozamiz City Police Office sa pagpangulo ni Superintendent Regino Oniate , kasamtangan Hepe sa maong buhatan ning nakalabay nga Enero 19 didto mismo sa usa ka drug den sa Purok 5, Barangay San Roque .

Sumala pa ni Superintendent Oniate usa ka buy bust operation ang ilang gipahigayon batok sa suspetsado nga naila nga si Rolando Fernado y Dalayat , 29 anyos, walay trabaho ug residente sa maong Purok, human gipalitan lini sa usa ka operatiba sa City Anti Illegal Drug Special Task Group (CAIDSTG).

Human gitunol sa suspetsado ngadto sa maong nagtakubang mopalitay gidasmagan gilayon sa nakatago nang mga sakop usab sa kapolisan sa supervision sa hepe niini nga Si Superintendent Oniate ug nadakop gayu si Fernado ug nakuha sa iyang posesyon ang la’ing 170 ka mga gagma’y nga triangular plastic sachet sa ug 70 pa ka gagma’y nga rectangular plastic sachet sa maong gihapon nga ginadili druga.

Samtang girekisa ang maong gikatahapang drug den duha ka lain nagyupyup o user ang naaktuhan sa kapolisan nga nag pot session sulod mismo ug nakuhaan pa sa mga gamit nang aluminum foil, improvised tooters ug mga lighters sa ilang possesyon ug nailahan nga sila, Dexter Sareta y Abella, 35 anyos taga-Cabasagan, Lala, Lanao Norte ug usa ka Henry Nadal y Cabando, 41 anyos ug residente sa Purok 1, Barangay San Roque, Ozamiz City.

Kasamtangan gidala gilayon sa Ozamiz City Police Office ang tulo ka mga suspetsado ug gitaral sa hukmanan sa sala nga nakalapas sa R.A. 9165 o ang Comprehensive Dangerous Drug Act of 2000. Sa iyang katungod isip bag-ong milingkod nga Hepe sa Ozamiz City Police Office, gipadayag ni Superintendent Oniate nga dili sila mounding sa pagpangdakop sa mga nagpayuhot sa illegal nga druga sa Ozamiz City. (Misamis Occidental Bureau)