MisOcc PPSMU mipahigayon ug Advisory Council ug TWG meeting

Oroquieta City – Sa pagpangulo ni Police Superintendent Paciano Deloso, kasamtangan Deputy Provincial Director for Administration ug Hepe sa Provincial Strategic Management Unit ang mipahigayon ug usa ka meeting kauban sa Provincial Advisory Council (PAC) ug Technical Working Group (TWG) aron hisgutan ang kasamtangan programa sa kapolisan pinaagi sa PNP Patrol Plan 2030.

Una nang nasayran nga sa ika-duhang ang-ang sa Performance Governance System nga gipatuman karon sa tibook kapolisan sa nasud alang sa PNP P.A.T.R.O.L. Plan 2030 o ang PNP Transformation Agenda pasado ang Misamis Occidental PNP Provincial Office sa pagpangulo karon ni Police Provincial Director Senior Superintendent Leony Roy Ga, ang gitawag Compliance Stage.

Sa maong meeting kauban sa PAC ug TWG, dugang pa ni Superintendent Deloso, nga importante masayran usab sa mga sakop sa Provincial Advisory Council sa chairmanship ni Atty. Deogenes Apao ug mga sectoral representative sa Academe, Business Sector, Religious Sector, Media, ug Civil Societies kung unsa ka mahinungdanon ang role sa PAC  ug kung unsa gayud ang PGS-PNP P.A.T.R.O.L. PLAN 2030.

Sa mao usab nga ika-duha nga ang-ang sa upat ka mga agenda nga naglangkob sa Initiation Stage, Comliance Stage, Proficiency Stage ug Institutionalization, kinahanglan pasado ang tanang unit sa kapolisan sa tibook nasud, sa nasayran sa unang ang-ang pasado na ang Misamis Occidental Provincial Police Office apan kinahanglan mopasar usab ang 14 ka mga Municipal Police Station ug 3 ka mga City Police Station sa ipahigayon Revalida (Revalidation) sa umaabot nga Marso 16-17, 2016 sa Compliance Evaluation Process (CEP)sa mga sub-ordinate units aron mopasar sa ika-duhang ang-ang kun ang Compliance Stage.

Sa laing hisgutan, gipadayag usab ni Atty. Apao ngadto sa iyang mga meimbro ang mga butang nga angayan himoon sa Provincial Advisory Council nga maoy adviser usab sa kapolisan sa kampanya niini kabahin sa kalinaw ug kahusay  pinaagi sa mga kahimo-an sa kapolisan aron masiguro ang ilang area of responsibilities sa pagkabot sa ilang misyon pinaagi sa P.A.T.R.O.L. (Peace and Order Agenda for Transformation and Upholding the Rule of Law) Plan 2030.(Misamis Occidental Bureau)