DXDD-AM 657kHz (Radyo Kampana) is the Strongest and Most listened AM Station in the Province of Misamis Occidental, For almost 46 years of Operation, Dan-ag Sa Dakbayan Broadcasting Corp. Still the No. 1 AM Radio Station in Ozamis City and Continuous Dominating the Airwaves Supremacy in Areas such as Lanao del Norte, Lanao del Sur, Zamboanga del Norte, Zamboanga del Sur, Misamis Oriental and other part of Mindanao and Visayas

Monday, January 25, 2016

Pulis nga nag-AWOL gibanhigan Patay, gikatahapang drugang “Shabu” nakaplagan…

OROQUIETA CITY – Usa ka pulis nga gipasakaan  ug kasong administratibo nga Serious Negligence of Duty kun Absent Without Official Leave of Absence (AWOL) SA Misamis Occidental Provincial Police Office ang gibanhigan patay ning nakalabay nga gabie, alas onse y media Enero 21, 2016 haduol sa pinuy-anan sa biktima sa Ourok 6, Barangay Proper Langcangan, Syudad sa Oroquieta.

Sa maong naitaho nga pagbanhig ug pagpatay miresponde gilayon ang kapolisan sa syudad ubos sa pagpangulo sa kasamtangan nga Hepe, Police Superintendent Elias Hampac ug nakaplagan ang biktima nga naila nga si PO1 Jacques Rodriguez y Japsol, 34 anyos, minyo, kasamtangan sakop sa PNP Misamis Occidental Provincial Police Office ug gidestino sa lungsod sa Don Victoriano, Misamis Occidental.

Sa pakighinabi sa mga ginsakpan sa Media ngadto kang Police Superintendent Hampac nasayran nga samtang mopauli na unta si PO1 Rodriguez sa iyang panimalay sa maong dapit sakay sa iyang Yamaha MIO nga motorsiklo, kalit lamang nga gibanhigan siya sa wala pa maila nga suspetsado ug gipusil gamit ang caliber.45 ug caliber.9mm nga mga pistol basi usab sa mga basiyo nga nakita sa PNP Scne of the Crime Operatives (SOCO).

Sa dugang kasayuran, nasayran nga ang biktima misinggit pa nga “Ayaw Bay”apan gi[paulanan gihapon siya sa mga bala samtang nadunggan nga nagpakitabang pa sa mga silingan ang biktima, apan wala ni usa ang mitabang tungod sa kahadlok, ug sa pagabot sa kapolisan mao pay panggawas aron manmgusisa kauban sa mga miresponding kapolisan.

Sa iyang pamahayag nasayran usab nga dili lang mga basiyo ug mga nagkalat nga mga bala ang nakita uban sa nagbuy-od nga patay nga lawas, nakita usab sa mga imbestigador ang lima (5) ka mga putos sa gikatahapang drugang Shabu” ug usa ka pula nga coin purse sa biktima nga aduna gihapoy sulod nga lima(5) ka putos sa maong gihpon gikatahapang druga nga “SHABU”.

Sa maong panghitabo tulo ka samad pinusilang ang nadawat sa biktima, usa sa  iyang too nga abaga, usa sa wala nga siko ug milagbas kini sa atubangan bahin sa iyang abaga, ug laing usa ka samad sa iyang paa. Kini ang gipamatud-an usab ni Dr. Clemente Almonte, kasamtangan Hepe sa City Health Office ug  gideklara nga namatay SI PO1 Rodriguez tungod sa severe loss of blood due to multiple gunshot wound.

Ning pagbalita usa ka makuting imbestigasyon ang gipahigayon sa kapolisan sa Oroquieta aron masayran ang motibo sa opagbanhig kang PO1 Jacquez Japsol Rodriguez. (Benta BIRADA News Daily-Misamis Occidental Bureau)