Mga gamit (paraphernalias) sa illegal nga druga, hinagiban, ug uban pang epektos nakompiska sa Provincial Jail.
Oroquieta City – Mga gamit kun mga paraphernalia sa pagyupyup ug
ginadiling druga nga “Shabu”. Gamit na nga mga aluminum foil, disposable
lighters,empty plastic sachets sa druga, mga hinagiban sama sa “sumpak” ug mga
ginamang ice pick, kutsilyo, ug uban pang hinagiban nga makapatay ang
nakompiska sa hinugpong grupo sa Misamis Occidental PNP Police Provincial
Office, PDEA, Oroquieta City Police Office, ug mga opisyal sa Provincial Governor’s Office sa papangulo ni
Provincial Administrator Ken Regalado ug Provincial Legal Officer Atty. Ric
Lumantas kagahapon sulod mismo sa naghuot nang Provincial Jail.
Sumala pa ni Police Senior
Superintendent Leony Roy Ga, kasamtangan Provincial Director nga ning imaging
tuig siya ug ang Provincial PDEA Enforcement Team ang gidasig ug gi-request sa
Gobernador Herminia Ramiro nga mohimo ug aksyon tungod sa mga impormasyon nga
nadawat sa buhatan sa Gobernadro nga adunay mga anomaliya ug problema kabahin
sa pagpayuhot sa illegal nga druga sulod mismo sa Provincial Jail.
Pinaagi usab sa pinalig-on nga
kampanya sa Misamis Occidental Provincial Anti Drug Abuse Council kun MOPADAC
diin ang gobernadro maoy Chairman ang nangunay na gayud sa pagpalig-on sa maong
konseho nga motabang sa kampanya batok sa nagkadako nga problema sa illegal nga
druga sa Misamis Occidental.
Kagahapon sa buntag
napahigayonn ang maong pagraid ug ocular inspection sa nahisgutang Provincial
Jail diin nasayran nga dili lang problema sa pagpayuhot sa illegal nga druga
kun dili ang Provincial Jail mismo diin nagkagamay ang mga selda niini ug
kinahanglan pagdugang ug mga selda.
Kagahapon nasayran nga adunay
sulod nga 427 ka mga binilanggo sulod sa maong 200 capacity Provincial Jail,
diin adunay 10 ka mga babayeng binilanggo, 10 usa ka mga senior citizens, sa
427 ka mga binilanggo 235 niini ang adunay kaso sa R.A. 9165 kun pagpayuhot,
paggamit sa ginadiling druga.
Sa maong pagocular inspection
o pagpahigayon sa maong raid, 45 ka mga personahe apil na niini ang mga
Provincia Guards gipailalom sa usa ka drug test pinaagi sa pagabag usab sa
Misamis Occidental SOCO ug PNP Crime Laboratory.
Sa dugang pamahayag ni Police
Provincial Director Senior Superintendent Leony Roy Ga, nga pinaagi sa MOPADAC
kun Misamis Occidental Provincial Anti Druge Abuse Council sa pagpangulo ni
Gobernador Herminia Ramiro kinahanglan nga adunay pagbag-ong sa pamunuan ug
pagbalhin sa mga Provincial Jail Management o mga gwardya nga nalambigit sa
pagpayuhot sa Illegal nga Druga o adunay soporta nga sekretong gihatag ngadto
sa mga binilanggo ilabi na sa pagpayuhot sa illegal nga drugang “Shabu”.
Ug pinaagi sa pagdugang usab
sa mga selda o building nga pagapuy-an sa mga binilango ang maong problema sa
pagdaghan sa mga adunay kaso kabahin sa paglapas sa R.A. 9165 ug uban pang
kaso, ang Provincial Jail mapangandaman gayud ang kabag-uhan sa pagpadagan
niini.
Una nang nasayran nga gipapha
na sa iyang katungdanan isip Jail Warden si kanhi BJMP (ret) Officer Edwarson
Tagaoc ug gipulihan na ni OIC Jail Warden Felix Mangubat sa pagsulod sa tuig
2016, Si Tagaoc ang gipapha ug gibalhin sa laing trabaho gawas sa Provincial
Jail niadtong Enero 6, 2016. (Misamis Occidental
Bureau)