DXDD-AM 657kHz (Radyo Kampana) is the Strongest and Most listened AM Station in the Province of Misamis Occidental, For almost 46 years of Operation, Dan-ag Sa Dakbayan Broadcasting Corp. Still the No. 1 AM Radio Station in Ozamis City and Continuous Dominating the Airwaves Supremacy in Areas such as Lanao del Norte, Lanao del Sur, Zamboanga del Norte, Zamboanga del Sur, Misamis Oriental and other part of Mindanao and Visayas

Monday, January 25, 2016

Tudela PNP-COMELEC Checkpoint miresulta sa pagkadakop sa 6 ka mga suspetsado sa Illegal nga Druga

Tudela, Misamis Occidental – Unom (6) ka mga kalalakin-an nga sakay in tandem sa mga motrosiklo ang nasakote sa kapolisan sa lungsod sa Tudela ning nakalabay nga adlaw human gipatuman ang PNP-COMELEC Checkpoint.

Nasayran sa Benta BIRADA News Daily pinaagi kang PSenior Inspector Cerilo Verano, kasamtangan Hepe sa Kapolisan sa Tudela MisOcc nga pinaagi sa usa ka PNP-COMELEC Checkpoint nga ilang gimontar sa Nstionsl Highway, Barangay Centro Napu sa lungsod nadakpan sunod-sunod ang mga suspetsado nga sakay sa ilang mga motor minute lang ang deperensya sa pagdakop.

Unang nadakpan si Julito Rea y Lagare, usa ka estudyante taga Purok 2 Barangay Bongabong, Tudela ug nakuha gikan sa iyang posisyon ang usa (1) ka sachet sa illegal nga drugang “Shabu” uh aluminum foil. Ika duha nga nadakpan mao si Raymond Caliso y Manayam, 31 Anyos ug nagpuyo sa Purok 5, Lower Lamac, Oroquieta City ug nakuha sa iyang posisyon ang usa (1) ka plastic sachet sa illegal nga drugang “Shabu” usa (1) ka improvised Tube Tooter ug lain 26 ka mga plastic sachet nga wala nay sulod, ug mga kauban niini nga sila Eldie Canada y LUcot, 39 anyos, taga Purok 5 Canubay, Oroquieta City (Motor Driver) ug si Joel Calunod y Toledo, 18 anyos nga taga Purok 3 Lower Lamac, Oroquieta City.

Ug misunod usab sa pagkadakop ang usa ka 20 anyos, nga naila nga si Franklin Maraat y Cobero, taga Purok 3, Poblacion Uno, Oroquieta City ug nakuha gikan sa iyang posisyon ang usa (1) plastic sachet sa gikatahapang druga nga “Shabu”, kauban niini nga driver sa motorsiklo (skeleton type) nga Honda Wave nga si Gladwin Cabural, 19 anyos nga taga Purok 3 Mobod, Oroquieta City.

Kasamtang ang maong mga nadakpan ang magatubang sa kasong nakalapas sa R.A. 9165. Misamis Occidental Bureau)