PRO RD Desquitado pinasidungan bisita sa Bag-ong PNP Building sa Plaridel, MisOcc
Plaridel, Misamis Occidental – Police Regional Director Chief
Superintendent Lyndel Desquitado sa Police Regional Office 10 mihatud sa iyang
mahinungdanong mensahe ngadto sa kapolisan sa lungsod sa Plaridel human
gi-turn-over niini ang bag-ong Police Office Building nga nagkantidad ug P5.1
Million nga gitambungan usab ni Kongresista Jorge Taghap Almonte, Gobernador
Hermie Ramiro, Provincial Police Director Senior Superintendent Leony Ry Ga sa
MOCPPO, ug Mayor Diego TY nga masigarbuhong midawat kauban sa iang Hepe sa
kapolisan nga si Police Senior Inspector June Booc.
Sa maong okasyon malipayon nga
gidawat sa tibook katawhan sa lungsod sa Plaridel ug mga opisyales niini sa
pagpangulo ni Municipal Mayor Diego Ty ug mga sakop sa Sangguniang Pangbayan sa
pagpangulo usab ni Vice Mayor Jim “Titi” Tan.
Una nang nasayran nga pinaagi
sa donasyon sa yuta (400 sq. meters) ug counterpart nga usa ka P1-M ka pesos
gikan sa panudlanan sa lungsod, naipatindog gayud ang maong tulo (3) ka story
building apil na ang usa ka lig-on nga prisohan ug roof deck aron pagabalhinan
sa buhatan sa kapolisan sa maong lungsod.
Sa iyang katungod isip
Regional Director, gipasabot ni RD Desquitado ang pagka-importante sa maong PNP
building diin dili na usa ka rason sa mga ginsakpan sa kapolisan sa lungsod sa
Plaridel nga magtinapolan sa ilang mga trabaho isip sakop sa kapolisan tungod
kay aduna na silay maayong buhatan nga moserbisyo sa katawhan aron mapaligon pa
ang kampnaya niini ug pagbaton ug kaikag aron matuman ang ilang mga gipanumpaan
responsibilidad isip mga magbalatantay sa kalinaw ug kahusay.
Una nang gipadayag usab ni
Mayor Diego Ty nga usa kaini ka lig-on panagway nga ang iyang kapolisan sa
pagpangulo ni Police Senior Inspevtor Booc, ang kapolisan masaligan na gayud sa
mga Plaridelnon, diin kini usab ang gibungtat nga mensahe ni Gobernador Hermie
Ramiro ug Kongresista Jrge Taghap Almonte nga pinaagi sa maong bag-ong
pinuy-anan sa kapolisan kini ang makahatag gayud kanila ug kusog ug gahum sa
Pagpatuman sa bala-od ug kampanya sa mga krimen ug uban pa nga makahatag ug
kahadlok sa katawhang Plaridelnon.
Kung mahinumduman, laing duha
(2) ka bag-ong buhatan ang gitugyan na sa kapolisan sa Ozamiz City ug Bonifacio
ning di palang dugay, ug sa maong okasyon nasayran usab gikan kang RD
Desquitado nga sa sunod tuig lain pito (7) ka mga lungsod ug syudad sa
Oroquitea ang maka-angkon na usab sa maong mga PNP building, ang pito ka mga
lungsod mao ang Concepcion, Calamba, Lopez Jaena Jimenez, -ana-on, Clarin ug
Aloran samtang ang syudad sa Oroquieta nga bag-ong pa usab miduso sa Deed
ofDonation sa yuta nga pagatukuran sa Type B-C PNP Building ang makaangkon
sunod tuig.
Niini, gipaningkamutan sa kapolisan sa Misamis Occidental sa pagpangulo karon ni Senior Superintendent
Leony Roy Ga nga mapadali ang tanang papeles aron makatukod gilayon ang modaug
sa bidding kung kinsa ang mga kontrator nga maoy sailagan sa kapolisan nga
mopatukod niini inubanan sa cash counterpart sa maong mga lungsod.