DXDD-AM 657kHz (Radyo Kampana) is the Strongest and Most listened AM Station in the Province of Misamis Occidental, For almost 46 years of Operation, Dan-ag Sa Dakbayan Broadcasting Corp. Still the No. 1 AM Radio Station in Ozamis City and Continuous Dominating the Airwaves Supremacy in Areas such as Lanao del Norte, Lanao del Sur, Zamboanga del Norte, Zamboanga del Sur, Misamis Oriental and other part of Mindanao and Visayas

Tuesday, November 24, 2015

OPLAN Lambat Sibat gipanghingusgan nga mapatuman sa tibook Misamis Occidental

Camp Naranjo, Oroquieta City – Pinaagi sa usa ka pre-launcing sa OPLAN Lambat Sibat sa tibook kapolisan sa Misamis Occidental ang gilauman nga mapalig-on ang kasamtangang operasyon sa kapolisan aron mapatunhay ang kampanya niini batok sa mga dautang buhat ug kriminalidad sa probinsya ug mga kalunsuran ug syudad niini.

Kini ang nasayran gikan sa buhatan ni Senior Superintendent Leony Roy Geroche Ga, kasamtangan Provincial Director sa Misamis Occidental PNP Provincial Office ning nakalabay nga adlaw nga Huwebes, Nobyembre 19 diin ang tanang Hepe sa katorse (14) ka mga kalungsuran ug tulo (3) ka syudad sa Ozamiz, Oroquieta ug Tangub ang miapil sa maong pre-launching activity sa OPLAN Lambat Sibat.

Ang maong OPLAN Lambat Sibat kun enhancing police operation ang matud pa daku nga ikatabang sa pagpalig-on sa kasamtangan police operations nga gipatuman sa kasamtangang panahon. Ang Lambat Sibat kun enhancing police operation una nang gipatuman sa kauluhan ug isla sa Luzon diin nasayran nga kini usa ka epektibo nga plano ug lakang sa puwersa sa kapolisan aron masulbad ang mga krimen sama sa kampanay batok sa illegal nga druga, pagdakop sa mga wanted persons, uguban pang krimen sa mga lungsod ug syudad.


Sa iyang kabahin, gidugang usab ni Senior Superintendent Ga, nga ang OPLAN Lambat Sibat usa ka lakang sa Pagpatuman sa mga operasyon sa kapolisan diin dili lang basta sa pagdakop ug paggukod sa mga criminal kun dili usa kini ka pamaagi sa kapolisan nga makaangkon ug dugang pagsalig sa katawhan ug mga opisyales sa kada lugar, kay matud pa niini “Crime Solution is Everbodys Concern”, pinaagi sa maong OPLAN Lambat Sibat kini dili mamahimong malamboon ug masiguro kung dili motabang usab ang katawhan batok pagsumpo sa bisan unsang krimen nga mahitabo.