Board Member Delos Santos mipiyensa ug P24K sa kasong giatubang, giaprubahan sa RTC
Oroquieta City – Human sa pipila ka adlaw sa pagtago-tago tungod sa usa ka warrant of arrest nga gipakanaug ni Hon. Alma Azanza sa RTC
Branch 12 ngadto kang Boardmember Jim Delos Santos sa Unang Distrito sa Misamis
Occidental, kini ang makapahulay na sa pagtag-tago ug makatulog na pag-ayo
human usab girecall ang unang warrant of arrest without bail sa prosecution ug
gipulihan ug Warrant of Arrest nga makahimo na kining maka-peyansa.
Kini ang nahitabo kagahapon sa
buntag human gipasaka ang usa ka Urgent Motion to Stay Execution of Warrant of
Arrest and Motion to Require/Direct Prosecution to Fix/Recommend Bail sa legal
counsel ni Boardmember Delos Santos nga si Atty. Fernando Cagoco ug ni Atty
Deogenes Apao Jr.
Una nang nasayran nga
gipasakaan ug kaso si BM Delos Santos kauban ang duha (2) niini ka mga sakop
nga naila nga sila Pablo Lumancang y Langeres ug Albert Barong sa DENR nga
nakalapas sa Section 68 sa Presidential Decree 705 as Amended and Renumbered as
Sec 77 of R.A. 7151 kun Illegal Logging.
Sa maong kaso gipakanaug sa
Regional Trial Court ang usa ka Warrant of Arrest nga dili mahimong
makapeyansa, tungod niini napaugossi Boardmember ug iyang mga sakop nga motago
samtang gihimo ang tanang pamaagi sa iyang mga legal counsel aron mopasar ug
usa ka urgent motion aron makapeyansa diin napamatud-an sa iyang Legla Counsel
nga makahimo ra kini sa pagpeyansa.
Human sa maong Hearing
kagahapon gi recall sa Prosecution ang unang Warrant of Arrest without bail ug
gipulihan kini ug laing Warrant of Arrest with bail sa kantidad ug P24,000 mil
pesos kada usa ug nasayran nga daw nakuhaan ug tunok ang Boardmember diin sa
iyang katungod usa ka political harassment, gani gidugang ni Atty. Cagoco nga
usa ka “grave injustice” ang nahitabo kang Boardmember Jim Delos Santos sa
Sangguniang Panlalawigan sa Misamis Occidental.
Human nadawat ang orden gikan
sa RTC Branch 12 nga makahimo na kini nga mopeyansa dali usab nga misurrender
si Boardmember Delos Santos ngadto sa mga ginsakpan sa Police Public Safety
Company ubos sa pagpangulo karon ni Superintendent Delmani Sudding kauban ni
Atty. Cagoco aron iduso ang peyansa.
Sa iyang pamahayag, matud pa
ni Boardmember Delos Santos nga iyang gipasalamatan ang tanan nga mihatag
kaniya ug suporta ilabi na gayud ang Lambo Panaon Movement sa lungsod sa Panaon
ug ni Boardmember David Navarro sa pagtabang kaniya. Si Boardmember delos
Santos ang mipadayag sa iyang kandidatura batok kang Municipal Mayor Francisco
Jun Paylaga sa lungsod sa Pana-on.
Sulod sa napulo ka mga adlaw
ang pagtago sa Boardmember ug dili halos makatulog apan tungod sa iyang
katungod ug pagbaton ug insaktong legal counsel naangkon niini ang unang angang
sa mga pagsulay diin kabahin kini sa politika matud pa.
Human sa maong pagpeyansa dali
usab kini nga mitambong sa usa ka special session sa Sangguniang Panlalawigan
sa probinsya aron mapadayon niini ang iyang obligasyon ug responsibilidad isip
sakop sa hunta direktiba sa lalawigan sa Misamis Occidental (1st
District) sulod na lamang sa pipila ka bulan sa dili pa moabot ang campaign
period sa umaabot nga National and Local Election sa Mayo 9, 2016.