Suspetsado sa Pagpangawat dakpan
Oroquieta City – Usa ka suspetsado ug mga kauban niini ang
nagatubang karon sa kasong Theft ug gibalhug na sa lock-up cell sa Kapolisan sa
Oroquieta ug naghulat na lang itaral sa korte.
Sa Police Report nga nadawat
gikan sa buhatan ni Chief Inspector Edgar Omandam, kasamtangan Hepe sa
Oroquieta City Police Office, usa (1) ka Romey Bulawin y Bolando, 42 anyos,
ulitawo, walay trabaho ug residente sa Purok 2, Barangay Talic sa syudad ang
nakuhaan ug mga ebidensya diin kini ang matud pa iyang gikuha gikan sa usa ka
negosyanteng babaye.
Dugang pa sa maong taho, ang
biktima nga naila nga si Lourdes Malmis y Bugtong ang mitaho nga gisulod sa
suspetsado ang iyang panimalay ug gidala ang usa (1) ka Samsung Tablet nga
nagkantidad ug Php 10 Mil Pesos, usa (1)apple cellphone nga nagkantidad ug Php
15 Mil Pesos, usa (1) ka pocket WI-FI nga nagkantidad ug Php 2 Mil Pesos, usa
(1) ka electric “Black Decker” flat iron nga nagkantidad ug Php 1 mil pesos, ug
usa (1) ka botelya sa perfume nga nagkantidad usab ug Php 2 Mil Pesos diin suma
total mokapin sa dili momenos Php 30 Mil Pesos.
Samtang gidakop usab sa
kapolisan ang mga accomplice niini human gibaligya ang electric flat iron,
naila ang kauban niini nga si Arthur Papa y Babat, 38 anyos, minyo, laborer ug
residente sa Purok 3, sa samang Barangay Talic.
Kasamtangan anaa na sa kamot
sa kapolisan ang mga kinawat nga butang ug ang duha ka mga suspetsado ang anaa
na usab sa lock-up cell sa Oroquieta City Police Office ug naghulat na lang nga
itaral ngadto sa buhatan sa City Prosectur alang sa usa ka kasong pagpangawat.