Senador Lapid ug TIEZA GM Mark pinasidungang bisita sa Plaridel

Plaridel, Misamis Occidental – Nahimung pinasidunggan nga bisita sila si Sen. Lito Lapid ug Tieza General Manager Mark Lapid  atol sa paglusad sa mga proyekto sa us aka cooperatiba sa lungsod sa Plaridel pinaagi sa Paglaum Multi Purpose Cooperative Incorporated.

Sa iyang kabahin, nalipay ug dako si Paglaum General manager Gudwin Handumon, kasamtangan usab nga National Anti-Poverty Commission (NAPC) Sectoral Commissioner nga nagrepresenta sa mga Kooperatiba sa tibook nga nahidangat gayud ang amahan ug anak diin ang katuyu-an mao ang paghatag ug kaayuhan ingun man economic stability sa katawahan.

Nahidangat kagahapon (August 19, 2015) sila Senador Manuel “Lito” Lapid kasamtangan Chairman sa Tourism ug Cooperatives sa Senado ug anak niini nga si General Manager Mark Lapid sa Tourism Infrastructure and Economic Zone Authority kun TIEZA aron sa pagtambong ug paghimamat sa duolan 60,000 ka mga miyembro sa maong cooperatiba uban sa mga katawhan  sa Plaridel ug Calamba.

And duha ka mga proyekto nga gilusad mao ang  Agri-Tourism, Organic Farm Learn and Earn Site sa Barangay Solinog, Calamba ug ang Blessing ug paginagura sa mga Pre and Post Harvest Facilites, Multi Pass Rice Mill, Flat Bed Dryer, Retrofitted Mechanical Dryer ug ang P1.8 Million Fram Tractor ug mga accessories niini.

Sa iyang katungod isip TIEZA General Manager gitagaan ug gimbug-aton ni Mark Lapid ang kalihukan tourismo sa nasud ug ang responsibilidad sa iyang buhatan diin tumong ug katuyuan niini mao man ang pagsoporta sa mga proyektong pangturismo sa tibook nasud aron mapalamabo gayud ang industriya sa turismo.

Una nang nasayran nga sa ulahing pagbisita sa TIEZA General Manager sa dakbayan sa Ozamiz ning nakalabay nga ika-67 Charter Anniversary sa dakbayan ug kapistahan sa Birhen sa Cotta sa bulan sa Julio, 2015, mihatag ug dul-an sa P25-Milyon pesos nga pundo alang sa rehabilitasyon sa Cotta Shrine ug Cotta Park diin gideklara usab nga Cruise Ship Tourism Destination.

Isip Chairman usab sa Komitiba sa Turismo ug mga Kooperatiba, gipadayag usab ni Senador Lito Lapid nga pinaagi sa mga nindot ug responsabling bala-odnon sa senado, dako gayud ug tabang ang iyang komitiba aron madugangan pa ang soporta sa kagamhanang nasyonal ngadto sa mga kooperatiba sama sa Paglaum Multi Purpose Cooperative, Incorporated.

Sa maong pagbisita ug paghatud sa ilang mensahe sa “paglaum Next Big Thing” project, gilauman nga dili lang ang mga sakop sa Paglaum MPC ang mainganyon aron ipadayon ang mga proyekto niini nga dili marginal sector sama sa mga mag-uuma, mangingisda, ug uban pang sakop sa katilingban nga nasalig ug naglaum nga mapadayon ang tinguha sa katawhan nga mapadayon ang ilang kinabuhi-an alang sa ilang tagsa-tagsa ka pamilya.

Sa susamang higayon gipasalamatan nila ni Senador Lito ug TIEZA Manager mark Lapid ang upat ka mayor nga miduyog kanila ug gi-challenge usab nga ipadayon ang ilang mga plano sa ilang tagsa-tagsa ka mga lungsod sa mga proyekto niini aron mapalambo ang turismo sa ilang mga lungsod, diin matud pa kini ang makatabang usab sa katawhan nga ilang gialagaran, trabaho, livelihood, ug uban pa nga mapalambo gayud ang pangnabuhi sa katawhan pinaagi sa industriya sa turismo ilabi na gayud ang mga bag-ong Tourism program sama sa Sport-Tourism, Medical-Tourism, Educational-Tourism, Cruise Ship Tourism ug ang Agri-Tourism diin gibansagan kining “Mix-Use Tourism” nga maoy prioridad sa TIEZA nga mao sila si Ozamiz City Mayor Reynaldo Parojinog, Municipal Mayor Cris Mahilac sa Sinacaban ug Municipal Mayor Diego Ty sa Plaridel, ug Municipal Mayor Ezzel Villanueva sa Calamba.