17 Anyos nga estudyante naghikog patay

Tangub City, Misamis Occidental  – Usa ka 17 Anyos nga batan-ong lalake ang nakaplagan na lang sa inahan niini ug mga Igsoon nga nagbitay-patay sa usa ka Gemelina didto haduol sa ilang panimalay sa Barangay Sta Cruz, syudad sa Tangub ning nakalabay nga August 16, alas 720 sa buntag.

Subay sa taho gikan sa buhatan niini Superintendent Rey Alimanza kasamtangan Hepe sa kaplisan sa Tangub City, gikataho nga usa ka batan-on nga nag-idad ug 17 Anyos, estudyante sa usa ka tulunghaang kolehiyo sa Syudad ang naghikog pinaagi sa paghikot sa usa ka nylon rope sa iyang liog.

Naila ang maong estdyante nga usa ka John Silvester Tolin y Candano, 17 Anyos, College Student ug residente sa Barangayu Sta Cruz, Tangub City,  Sa imbestigasyon sa kapolisan nasayran nga maong batan-on sa wala pa kini makaplagi nga nagbitay na sa maong Gemelina (Agusut 15) kini nagdala-dala ug pisi nga nylon ug giingung misulti sa iyang inahan nga maghikog ug milakaw nga walay pananghid.

Niini nabalaka pag-ayo ang inahan ug dali usab nag gipangita si Jonh Silvester, apan migabie na lang wala gayud makit-an ang naulahi, apan pagkabuntag (August 16) nagsinggita na lang ang mga silingan sa nakita nilang adunay nagbitay-patay nga tawo sa usa ka punu-an sa Gemelina pipila ka metros gikan sa panimalay ug naila ang biktima nga naghikog mao si John Silvester.

Sa dugang taho nga nadawat ug resulta sa imbestigasyon nga gipahigayon sa kapolisan kung aduna bay foul play sa nahitabong paghikog sa maong batan-pn nasayran sa kapolisan nga usahay kasab-an kini sa iyang inahan, ilabi na gayud kabahin sa tuition fee sa tuklunghaan ug nganong daghan hagba sa klasi ang maong tinu-an.

Niini, padayon gihapon ang imbestigasyon sa kapolisan aron matino gayud kung unsa ang hinungdan pagpakamatay sa maong batan-on nga usa ka college student sa syudad sa Tangub.