Usa ka Pulis gipusil, 2 ka suspetsado dakpan, 1 samaran

 Plaridel, Misamis Occidental – Usa ka pulis ang nahilanding sa St. Therese Hospital sa syudad sa Oroquieta human kini gipusil  sa duha ka mga suspetsado samtang kini  nagsakay sa iyang kaugalingong motorsiklo sa National Higway, barangay Calacaan lungsod sa Plaridel sa nakalabay nga adlaw nga Sabado sa may  alas 11 kapin kun  kulang sa udto.

Sa taho nga nadawat gikan sa Plaridel Municipal PNP Station nasayran nga  ang biktima naila nga us aka SPO3 Wilson Tayco y Sumalpong, 39 Anyos Minyo ug residente sa Barangay Langob, Calamba, ug gidestino sa Sapang Dalaga  Municipal Police Station kanhi nadestino usab  sa lungsod sa Plaridel.

Sa inisyal nga imbesigasyon samtang ang maong biktima uban sa iyang asawa gikan sa ilang panimalay  sa Barangay Langub padulong unta kini sa Oroquieta sa dihang  duha ka suspetsado ang sakay  sa usa ka Yamaha MIO Motorcycle ang misideswep kanila samtang anaa sa Highway sa Barangay Calacaan nga maoy hinungdan sa pagkatumba dayun kalit kining giduol sa usa sa mga suspetsado ug miti-on sa usa ka kalibre 357 nga pistol ug dayun sa pag-ingon ngadto sa asawa sa biktima nga “ambi ang imong bag” Dungan sa pagkuha ug dayung sibat padulong sa Oroquieta Direction.

Dali usab nga nakataho ang asawa sa pulis ngadto sa  Plaridel MPS hinungdan nga gimanduan ni OIC COP Senior Inspector June Booc ang lungsod  sa Lopez Jaena aron sa pagbutang ug checkpoint alang sa usa ka dragnet aron masikop ang misibat nga mga suspetsado.

Wala usab maglangan ang kapolisan sa Lopez Jaena ug naaktuhan gayud ang mga suspetsado didto sa Barangay Puntod diin sa dihang gipara ang maong suspetsado natumba ug mikaliring ang ilang gisakyang motorsiklo ug diha nadakpan ang driber nga nailing usa ka Nickle Canasag, 25 anyos ug residente sa Barangay Managka, Ozamiz City samtang ang usa kanila ang mihana pa sap ag-ikyas apan gigukod sa mga pulis ngadto sa usa ka basakan ug miti-on sa mga pulis apan naunahan kini sa pagpabuto maoy hinungdan nga naigo ang suspetsado nga naila nga si Dominic Cabasag y Colangco, 21 Anyos, ug residente sa Barangay Bacolod, Ozamiz City.

Nakuha usab sa kapolisan ang sling bag nga ilang nakuha gikan sa asawa sa biktima diin adunay sulod nga kwarta, mga ID, PNP IDS ni SPO3 Tayco ug uban pang mga papeles sa mag-asawa, samtang gidala usab sa tambalanan ang usa sa mga suspetsado ug  ang usa anaa karon sa Lopez Jaena MPS Detention Cell.

Sa pagkutlo ning pagbalita anaa pa sa ICU ang biktimang Pulis samtang ang samaran nga suspetsado gikan sa MOPH gidala na usab sa Lopez Jaena kauban na sa usa nga suspetsado, ug giandam na usab ang kasong ipasaka batok sa duha ka mga suspetsado.