Public Hearing kabahin sa Revised Enviroment Code sa Misamis Occidental Malampuson nga Napahigayon

Oroquieta City – Malamposon nga napahigayon ang usa ka Public Hearing kabahin sa New Revised Enviroment Code sa Misamis Occidental ning adlaw nga Mierkules, didto mismo sa Provincial Farmers Cultural and Training Center sa Kapitolyo.

Sa maong public hearing nga gipasimuno sa komitiba sa Kinaiyahan sa Sangguniang Panlalawigan pinaagi sa Chairman niini nga si Board member Locely Lilet Yape ug mga miembro niini nga sila BM Zaldy Daminar, BM Simplicia Neri, BM  Gerardo Teodorico Olegario II ug IPMR Representative BM Dodge Cabahug ug sa tabang sa usa ka Technical Working Group gikan sa DENR, Provincial ENRO, mga Civil Societies, Peoples Organization ug Tribung Subanen Ginsalugan, mga Barangay Officials, ug uban pang miembro niini aron ipakisayud ang kabag-uhan sa nauna nang Ordinansa 001-2000  sa Administrasyon nila ni kanhi Bise Gobernador Leo Ocampos ug mga sakop sa Sangguniang Panlalawigan kaniadto.

Sa maong higayon wala gayud mipakyas sa pagtambong si Lady Gobernador Hermie M. Ramiro ug uban pang opisyales sa Lokal Nga Pangagamhanan sa Probinsya apil na ang mga representante usab sa katorse Ka mga lungsod ug tulo ka syudad sa Misamis Occidental.

Nasayran nga sa unang Ordinansa aduna lama’y 13 ka mga Artikulo ug  sa maong revision nga gihimo sa Sangguniang Panlalawigan karon nga panahon nahimantala nga aduna nay 17 ka mga artikulo diin tulo ka mga mga bag-ong Artikulo usab ang nadugang apil na niini ang kabahin sa katungod sa mga Luamdnong Subanen, mga bag-ong pulong o terms nga pagagamiton ug anaa sulod sa revised Environment Code ug uban pang kabag-uhan.

Sa iyang katungod gipasigrabo ug gipasalamatan ni Gobernador Hermie Ramiro ang Sangguniang Panlalawigan ubos sa Presiding Officer niini nga si Vice Governor Aurora Virginia Almonte ug ang komitiba sa kinaiayahan ug uban nga mga Board member apil na ang mga ginsakpan sa Technical Working Committee sa kakugi ug pasensya niini aron mabag-o gayud ang maong Environment Code.

Dugang pa sa gobernador nga sa maong kabag-uhan gihangyo niini ang katawhan Misamisnon nga tumanon gayud ang mga sushestyon, bala-od ug akuhon sa tinuoray ang nahisaad nga tulumanon ug maong Environment Code nga ipatuman na unya sa probinsya human nga maaprubahan na kini ug ipatuman na usab ang IRR kun Implementing Rules and Regulation sa Revised Environment Code sa Misamis Occidental.

Sa iyang kabahin usab gipasalamatan ni Board member Lovely Lilet Yape kasamtangan Chairman sa Committee on Environment sa Sanggunaing Panlalawigan ang tanan nga mitabang ug misporta sa kabag-uhan sa Environment Code sa Probinsya.(MisOccNewsBureau)