11 ka nag-pot session dakpan, shabu ug Video Karera sikop
Ozamiz City – Sa papakusog pa sa kampanya batok sa pagpayuhot sa
illegal nga druga sa dakbayan sa Ozamiz, napulog (11) usa ka mga suspetsado ang
gipangdakop sa usa ka gikatahapang balay nga gipang-iya sa usa ka Dodong Moloy
nga maoy target sa kapolisan sa pagpangulo ni COP Superintendent Jerry Tambis.
Sa nakuhang impormasyon, human
gi-raid ang maong balay nga nahimutang sa Purok Mauswagon, Barangay Tinago ning
nakalabay nga Agosto 26, alas do sa kahaponon
naka-layas ang target nga si Doong Moloy, anaa sa hamtong nga pangidaron
pinaagi sa pagikyas sa usa ka gamay nga pultahan apan nadakpan ang maong
napulog (11) usa ka mga nag-pot sesyon ug nagdula sa mga video Karera
“Tolelong”.
Sa maong gihapong pag-raid
nakumpiska ang dul-an sa 200 ka mga sachet sa ginadiling druga ug uban pang mga
gamit sa pagyupyup ug pagpayuhot sa shabu apil na niini ang 70 ka mga
disposable lighters, usa (1) ka rolyo sa aluminum foil, 80 ka mgabook nga mga
aluminum stirps, 2 ka mga improvised tooter didto mismo sa mga kwarto ug mga
lugar diin nakapahimutang usab ang mga video Karera.
Sa pagdeklarar sa kapolisan
kung kinsa ang mga nadakpan gipaila ni Superintendent Jerry Tambis nga sila si
Marrion EM Gozon y Coprada, 23 anyos, taga Prk 1, Sito Talisay, Barangay
Malaubang, Ozamiz City, Ricky Manloza y Yatoc, 40 anyos, taga Prk 6, Barangay
Panansalan, Tangub City, Mike Aquit y Manginsay, 36 anyos, taga Prk 2, Barangay
Malaubang, Ozamiz City.
Ang lain pang nadakpan mao
sila, Pullet Lumacad y Mahinay Jr, 21 anyos, taga Green Valley, Barangay
Tinago, Ozamiz City, Rinei Largo y Apdo, 29 anyos taga Prk 2, Barangay Guba,
Clarin, Misamis Occidental, Randy Bitad y Sumalpong, 28 anyos, Taga Prk 1
Dlores, Clarin, MisOcc, Marlon Doliguez y Neri, 29 anyos, taga Prk 2, Guba,
Clarin, MisOcc, Oliver Bacang y Bacus ,27 anyos, tag-Prk Makiangayon, Barangay
Tinago, Ozamiz City.
Samtang si Michael Galarion y
Mintalar , 21 anyos taga Pruk 2 Barangay Dolores, Clarin, MisOcc ug usa ka
Michael Samson y Aquit, 31 anyos, taga Purok 3, Barangay Litapan, Ozamiz City
ang gidakop sa kapolisan nga apil sa nag-pot session matudpa ug naga-dula sa
maong 17 ka book video Karera “Tolelong” Machines.
Sa maong pag-raid gidala ang
mga suspetsado sa kuerpo sa kapolisan apil na ang mga epekstos nga druga ug mga
paraphernalias, samtang ang mga video Karera ang gipangsunog sa kapolisan didto
mismo sa atubangan sa Ozamiz CityPNP Plice Office.
Sa iyang katungod gipadayag ni
Superintendent Jerry Tambis sa mando usab sa ilang labaw nga si Senior
Superintendent Archival Diokno Macala, Provincial Director sa Misamis
Occidental PNP provincial Office ug kang City Mayor Reynaldo Parojinog dili
gayud sila mopahulay sa pagpangdakop sa mga gikatahapang nagpayuhot sa illegal
nga druga sa Ozamiz City apil na niini ang mga ushers, dugang pa ni COP
Superintendent Tambis.