DXDD-AM 657kHz (Radyo Kampana) is the Strongest and Most listened AM Station in the Province of Misamis Occidental, For almost 46 years of Operation, Dan-ag Sa Dakbayan Broadcasting Corp. Still the No. 1 AM Radio Station in Ozamis City and Continuous Dominating the Airwaves Supremacy in Areas such as Lanao del Norte, Lanao del Sur, Zamboanga del Norte, Zamboanga del Sur, Misamis Oriental and other part of Mindanao and Visayas

Tuesday, September 1, 2015

PNP Plaridel Padayon sa Kampanya batok Illegal Druga

Plaridel, Misamis Occidental – Sa ilang mapadayonon nga kampanya batok sa Illegal druga sa lungsod sa Plaridel, Misamis Occidental lain na usab nga suspetsado nga sakay sa usa (1) ka bus de pasahero ang nadakpan nga nagdala ug illegal nga drugang “shabu”.

Gipadayag ni COP Police Senior Inspector June Booc nga sa pagpahigayon nila ug checkpoint didto sa Barangay Panansalan, Plaridel ning nakalabay nga Agosto 26, lain na usab nga suspetsado nga naila nga si Jerry Flores y Asis, 27 anyos, taga Purok Manga, Barangay Banonong, Dapitan City ang ilang gidakop.

Si Jerry Flores sakay sa usa ka Bus de Pasahero nga padulong sa Dipolog City apan sa checkpoint mihunong ang maong bus alang sa usa ka inspeksyon, nakit-an si Jerry Fores nga naay gihagbong nga butang sa dalan, apan nakita-an kini sa usa sa mga pulis nga nagchekpoint.

Sa pagduda nganong naglabay ug usa ka putos ang maong pasahero dali usab nga gitan-aw sa kapolisan ug didto nasayan nga duha (2) ka dagkung sachet sa illegal nga “shabu”, una na nang nasakyran nga aduna tip off nga ang suspetsado gikan sa Ozamiz ug sakay sa maong Bus.


Sa maong pagdakop sa akto wala maglangan ang kapolisan nga pakanaugon ang suspetsado ug gidala gilayon sa kuerpo sa Plaridl Municipal Police Station aron kasuhan sa sala nga nakalapas sa R.A. 9165 ilabi na gayud sa Section 5 (possession) ug anaa karon sa lock-up cell sa kapolisan aron ipasaka ang kaso.