Tag-iya sa Punta Meriam Beach Resort nailad sa nagpaila nga usa ka Pari…
Pana-on, Misamis Occidental – Mitaho ang usa ka negosyante nga
naila nga si Francis Manuel Paylaga y Lasta III, 34 Anyos, Minyo, ug residente
sa Barangay Punta, Pana-on, Misamis Occidental kabahin sa usa ka pagpangilad
ngadto kaniya sa nagpailang pari gamit ang tawag sa cellphone.
Sa imbesitgasyon nga
gipahigayon sa kapolisan sa pagpangulo ni Police Inspector Mohhamad Ombawa,
kasamtangan Hepe sa kapolisan sa Pana-on nasayran nga human nagpaila sa biktima
ang suspetsado nga siya si Fr. Celistino Palma, Kura Paruko sa Catholic Chruch
of Pana-on Misamis Occidental ug mihangyuo nga magpareserba alang sa napulo
(10) ka mga bisita nga mopuyo maong Punta Meriam Beach Resort sa Purok-6,
Barangay Punta, bali ug upat(4) usab ka mga adlaw.
Dugang pa sa maong nagpailang
Pari sa wala mahidangat ang matud pa mga bisita niini, ngayo sa biktima ug walo
(8) ka cellular electronic load nga nagkantidad ug 500 ka gatos pesos matag
load, suma total P4,000 pesos, apan lagi kay Pari ang nangayo ug bayaran ra
niini pagabot niini kauban ang mga bisita niadtong Julyo 29 karong tuiga didto
mismo sa nahisgutang Beach Resort.
Apan sa adlaw nga moabot nga
ang maong nagpaila, walay bisag anino ang nagpakita, niini midali ug adto ang
biktima sa Kumbento diin nakigkita kini kang Father Celestino Palma, aron sa
pagsuta kung tinuod ba nga aduna siya bisita ug pagabayran ang maong mga load
nga walay panuko gihatag sa biktima sa mitawag kaniya gamit ang cellphone.
Gitubag siya sa Kura Paruko
nga wala siya kahibaoloan sa maong tawag ug sa mmodus operandi sa suspetsado
nga nagpaila nga siya si Father Palma. Niini mihimo gilayon ang biktima sa
pagpatala sa Police Blotter ug miaksyon usab ang kapolisan aron maniktik kung
kinsa gayud ang maong suspetsado nga nangilad ug nagpaila pa nga usa ka Pari sa
Panaon Catholic Church.(Oroquieta News Bureau)