Unicom Mobile Store gilungkab P68,446 Mil nga kantidad sa mga Cellphone nadala…Usa ka bata ang gikatahapang gigamit sa mga mga Hamtong Kawatan.
Oroquieta City – Anaa sa makuting imbestigasyon ang kapolisan sa
syudad sa Oroquieta sa pagpangulo karon ni Police Chief Inspector Edgar Omandam
kabahin sa lungkab-kawat nahitabo ning nakalabay nga Agosto 1, 2015 sa usa ka
tindahan nga nailing UniCom Mobile sa dalang Enerio, Poblacion 2, Oroquieta
City.
Sa police blotter nahimantala
nga usa ka Felix Manahon y Lema, legal Age, residente sa Liong Building, Gomez
St., Ozamiz City ug managed sa usa ka Jassel Publico y nacion, ug residente sa
Purok 10, Banadero, Ozamiz City ang mitaho nga ilang namatikdan nga gilungkab
na ang ilang tindahan sa pagabot niini aron pagaablihan.
Niini gipadala gilayon sa
crime scene ang mga ginsakpan sa SOCO kun Scene of the Crime Operatives sa
Misamis Occidental PNP Provincial Office aron mopahigayon sa unang
imbestigasyon sa maong kawat-lungkab.
Nasayran nga misulod ang usa
ka tawo (bata) sa gamay ang nakasulod pinaagi sa pagguba sa usa ka parte sa mga
salug sa unoccupied second floor sa nahisgutang tindahan ug dinhi matud miagi
ang maong bata ug dali usab nga midala sa mga butang.
Nasayran nga napulo (10) ka
mga unit sa Cherry Mobile Cellphone nga adunay kantidad nga tag-2,999 kada usa,
walo (8) ka Zh & K Cellphones nga adunay kantidad nga tag 2,449 ug lima (5)
ka mga Tablet nga nagkantidad usab ug 3,999 kada usa diin sumada sa mga nawala
nga gikawat moabot kini nagdto sa P68, 486 Pesos.
Usa ka pagf-follow-up usab ang
gihimo karon sa kapolisan sa syudad sa Oroquieta kabahin sa maong lungkab-kawat
ning nakalabay nga Agosto 1, 2015.