Aksidente sa Dalan hinungdan sa duha ka kamatayon, Faith Healer usa sa namatay…
Bonifacio, Misamis Occidental – Duha ka kinabuhi ang nakalas ug
human angabot ang gisakyan niini nga vehikulo didto mismo sa likoon nga dalan
haduol sa Digon bridge, Barangay Pisaan, Bonifacio Misamis Occidental ning
nakalabay nga adlaw nga Lunes, Agosto 3, 2015.
Sa taho nga nadawat gikan sa
Bonifacio Municipal Police Office, usa ka motorsiklong Hinda Wave 100 Mc kolor
Black ug Red combination nga adunay plaka numero 2777 KX nga nakarehistro sa
usa ka Mrs. Lerrah Majorenos ug gimaneho sa usa(1) ka Alfonso Majorenos y
Arcadio, 43 Anyos, Minyo ug kasamtangan President sa San Miguel Archangel
Movement Association (SAMA) ug residente sa Purok 2, Gango, Ozamiz City.
Sakay niini ang usa (1) usab
ka Faith healer nga naila nga si Hernan Oliveros y Sistoso, 72 Anyos, Minyo ug
residente sa Purok 3, Bagumbang, Bonifacio, Misamis Occidental pauli na unta sa
lungsod sa Bonifacio, apan sa imbestigasyon sa kapolisan nasayran nga alas sais
y media sa buntag sa maong adlaw nga Lunes, Agosto 3, 2015, nagbinanggaay ang
maong motorsiklo ug usa ka Dump Truck kolor Maroon nga gipanagiya sa usa ka
Arnado G. Tuyor, residente sa Purok 6, Poblacion, Las Nieves, Agusan del Sur
nga adunay plaka numero NR RMN 837 ug gimaneho sa usa (1) ka Reynaldo Tumampo y
Sabordo, 46 Anyos ug Taga Purok 6A, Barangay Mahogany, Butuan City.
Ug tungod sa kakusog sa maong
pagdinasmagay sa usa ka kurbada haduol sa Digson Bridge sa Barangay Pisaan,
Bonifacio, nanglupad ang duha ka mga nagsakay sa maong motorsiklo diin
ubay-ubay ka mga samad ug bali nga nadawat sa ilang mga lawas nga maoy
hinungdan usa sa ilang hinalalaing kamatayon.
Gidala gilayon sa mga
nagpakakita ug kapolisan ang duha ka patay lawas sa riding in tandem ngadto sa
Lorenzo Tan Multi Purpose Cooperative Funicare sa Lorenzo tan, Tangub City
samtang ang driver ug ang mga sakyanan nga nalambigit sa maong disgrasya sa
dalna ngadto sa Bonifacio PNP Municipal Station alang sa insaktong disposasyon.