No.1 sa Drug Target list bugha-Patay
Jimenez, MisOcc – Bugha-patay
sa wala pang maila nga mga suspetsado ang usa ka matud pa No.1 sa Drug Target
List ning lungsod sa Jimenez, Misamis Occidental, alas 9 05 sa gabie ning
nakalabay nga Huwebes (July 16).
Sa taho nga nadawat gibugha-patay si Robert Ocab Palanas
Alysa “Intsik” 36 Anyos Minyo, ug residente sa Purok 3, Barangay Corrales
pinaagi sa pagpusil gamit ang armas kalibre 45 sa tulo ka mga suspetsado sakay
sa tulo ka mga motorsiklo.
Subay sa maong taho sa kapolisan sa pagpangulo ni
P/Senior Inspector Jenrech Hilot, sakay sa iyang motorsiklo ang biktima ug sa
pagkanaug na niini dinha mismo kilid sa dalan sa Barangay, Tulo ka mga
suspetsado ang mibutho sakay sa ilang mga motorsiklo ug dayug pusil sa biktima.
Matud pa naka bunot usab ang biktima sa iyang gisuklib
nga kalibre 38, apan naigo kini sa handgrip sa maong pistol ug wala makabuto,
apan tungod sa daghang bala nga gipaulan ngadto sa biktima nga maoy hinungdan
sa hinalalaing kamatayon niini.
Sa paghiling sa doctor ngadto sa iyang lawas nasayran nga
dead on the spot kini ug nakaplagan sa mga kapolisan ang lima (5) ka basiyo sa
bala sa kalibre 45, duha (2) ka bala nga gipabuto na (deformed) usa (1) ka
kalobre 38 nga pistol diin nabungkag ang hand grip niini ug unom (6) ka bala sa
maong kalibre 38.
Ning pagbalita usa ka makuting imbestigasyon ang
gipahigayon sa kapolisan sa Jimenez, Misamis Occidental. (News Bureau )