Malamposon nga gi-turn-over sa PRO 10 ang duha ka bag-ong PNP Building sa Syudad sa Ozamiz ug Bonifacio, MisOcc
Ozamiz City – Malamposon nga gi-turn-over na sa Police Regional
Office (PRO) 10 ang duha Ka mga bag-ong
PNP Building nga nagkantidad ug minilyon nga pesos pinaagi sa PNP Modernization
Program ug sa OPLAN Lambat Sibat (Managing Police Operations)kagahapon, July
23.
Nahidangat ang gisugo ni
Regional Police Director Chief Superintendent Lyndel Desquitado isip hulip
kaniya nga si Deputy Regional Director for Operations Senior Superintendent
Aurelio Trampe Jr. diin nasayran nga tungod kay atua kini sa kauluhan aron sa
pakigtagbo usab sa bag-ong PNP Chief Marquez.
Sa katungod gidugang usab ni
Provincial Director Senior Superintendent Archival Diokno Macala nga sa maong
mga pasilidad sa kapolisan ug ang mga sakyanan nga KIA Mahindra Enforcer
Vehicle walay nay rason nag dili madugangan ang kakugi sa kapolisan sa duha ka
mga lugar sa Misamis Occidental nga nauna nang gisuporta-an ug gitagaan sa
maong Police facilities aron ipatuman ang ilang mag responsibilidad ug mission
aron masiguro ang kalinaw ug kalambuan sa syudad ug lungsod nga ilang
gialagaran.
Kini usab ang mensahe ni DRDO
Trampe Jr ngadto sa mga ginsakpan sa duha ka kuerpo sa kapolisan. Ug nanghinaut
kini nga ayuhon sa pagdumala ug paggamit sa hingtungdan ginsakpan sa mga kapolisan
ang maong dua ka ediopisyo aron kini maampingan ug modugay sa iyang gamit isip
pasilidad sa kapolisan.
Human sa solemn nga pagtugyan
sa bag-ong PNP Building alang sa Ozamiz City Police Office, mipadayon ang
representante sa PRO 10 aron sa paghatud usa sa key of responsibility nga simbolo
sa pagtugyan na sa laing bag-ong PNP Building sa lungsod sa Bonifacio, Misamis
Occidental.
Ang duha ka mga bag-ong PNP
building adunay counterpart ang local nga pangagamhanan sama sa donasyon sa
yuta nga pagatukuran samtang ang pundo niini nga pagagamiton gikan sa PNP
Modernization Program.
Sa Lungsod sa Bonifacio,
malipayon usab si Mayor Evelyn Dumanhug kauban ang ubang opisyales sa lungsoid
sa pagpangulo usab sa Bise mayor niini nga Si Vice Mayor Samson Dumanhug sa
maong programa sa kapolisan, diin maangkon na gyud sa lungsod ang usa ka
desisnting kuerpo sa kapolisan nga mamahimong simbolo sa usa ka responsabling
kapolisan nga andam ug tagana nga moaksyon gilayon sa bisan unsang hulga nga
maghatag ug kagubot ug kalisang sa katawhan ilabi na gayud ang mga krimen.(Oroquieta Bureau)