Pusher-Usher Dakpan sa PAIDSOTF-OrCPO-PPSC Team

Oroquieta City – Usa ka suspetsado sa paggamit ug pagpayuhot sa gikatahapang Illegal nga Drugang “shabu” ang gidakop sa usa ka hiniusang hugpong sa kapolisan sa Oroquieta City Police Office-Provincial Anti-Illegal Drug Special Operation Task Force (PAIDSOTF) sa Misamis Occidental Provincial PNP Office ug Provincial Public Safety Company (PPSC) pinaagi sa usa ka buy bust operations kagahapon sa hapon.

Usa ka Carlo Fortich y Vega, 30 Anyos, Ulitawo, ug nagpuyo sa Purok Uno, Barangay Talairon, sa syudad sa Oroquieta ang nakuhaan ug lain putos sa Shabu nga gibana-bana nga adunay 5 grams sa gikatahapan illegal nga drugang “shabu”,Usa (1) ka Large Plastic Sachet, Walo (8) ka book Aluminum Strips, Walo(8) ka mga empty plastic sachet, Usa (1) ka roll of Aluminum Foil, Duha (2) ka disposable Lighter, Usa (1) chopping glass, wala pay labot ang..laing duha ka putos nga plastic sa shabu, duha (2) ka aluminum strips, ug ang kwarta balor dos syintos pesos isip bugti sa gipalit sa usa ka ahente sa kapolisan nga nagtakubang cliente niini.

Sa maong buy bust operations, gikalatid sa mga ginikanan ug Igsoon niininga dugay na kini nilang gibadlong apan dili gayud motoo ug masuko kung buyagon usab sa mga Igsoon.

 “Dili bukog ang nakuha sa among mga tutunlan human siya nadakpan sa kapolisan” dugang pa sa amahan niini nga nahinabi sa usa ka PAIDSOFT Member.

Sa pagkakaron, usa ka kasong nakalapas sa  section 5 ug section 11 sa R.A. 9165 ang atubangon sa maong suspetsado nga kasamtangan anaa sa Oroquieta City Police Lock-Up Cell ug naghulat nga itaral sa hukmanan.(PJT, Oroquieta City)