3 ka mga nagpayuhot ug Shabu dakpan
Plaridel, Misamis
Occidental – Tulo ka mga suspetsado ang nadakop sa kapolisa ning lungsod sa
Plaridel sa pagpangulo ni P/Senior Inspector June Booc kasamtangan Hepe sa
Kapolisan sa Plaridel human gipara sa usa ka checkpoint nga nagpatuman sa No
Plate No Travel.
Apan usa kanila ang matud pa milabay ug usa ka pinutos
nga plastic, ug nasakpan sa kapolisan nga adunay sulod nga mga gagmay nga
plastic ug gikatahapan nga mga “shabu” ug dali usab nga girikisa sa kapolisan
ang tulo ka nagsakay sa usa ka Honda XRM Balck and White combination ug adunay
plaka KX 7217.
Nasayran nga usa sa mga back rider niini nga si Dandih
Alipio y Datoy, Ulitawo 20 Anyos taga Purok Chrismus, Sicayab, Dipolog City ang
milbaya sa maong mga plastic sachet sa sa gikatahapang drugang “shabu”, samtang
ang driver nga naila nga usa ka Al Hashim Gallardo y Flores, 20 Anyos ug Taga
Purok Chrismus, Sicayab, Dipolog City.
Ang usa ka backrider naila usab nga si Randy Tagapan y
Tabiliran, 28 Anyos ug usa ka Real-State Broker nga nagpuyo sa susamang Purok
ug barangay sa Dipolog City. Sa dugang inventaryo sa kapolisan nasayran nga
duha (2) ka putos sa regular size plastic sachet ang nakuha nga adunay sulod
nga mga gikatahapang illegal nga drugang “Shabu” lime (5) ka mga nilukot nga
aluminum foil, ug laing tulo (3) ka gagmayng putos sa plastic nga aduna gihapoy
sulod nga gikatahapan drugang “shabu”.
Sa pagkakaron usa ka kasong pagkapas sa R.A. 9165 ang
giandam sa kapolisan sa Plaridel kabahin sa mga nadakop nga mga suspetsado sa
usaka checkpoint didto sa Barangay Panalsalan, LUngsod sa Plaridel, Misamis
Occidental.
Samtang sa lungsod sa Baliangao, Misamis Occidental lain
suspetsado ang nasakote sa kapolisan inubanan sa mga ginsakpan sa PAIDSTOF/PSOG
ang nadakpan pinaagi sa usa ka buy-bust operation didto sa Southern Poblacion,
Baliangao, Misamis Occidental.
Gamit ang kantidad nga P500 isip buy-bust money, nakuha
sa suspetsado ang duha (2) ka mga plastic sachet nga adunay sulod nga illegal
drug nga “shabu” ug usa (1) ka nilukot nga Aluminum foil ug naila nga si
Wilford Bodiong y Pangasian, 28 Anyos, ug residente sa Barangay Northern
Poblacion.
Ang maong buy-bust operation gipahigayon alas 6 sa
kagabhion ning nakalabay nga adlaw Huwebes, July 16 2015, ug kasamtangan anaa
na sa Balinagao Police lock up cell ang suspetsado ug naghulat na lamang sa
kasong ipasaka batok niini nga najkalapas sa R.A. 9165 kun ang balaodnon sa
ginadiling druga.(MisOccNewsBureau)