Nag-unang negosyante sa wholesale ug retail supply chain mibukas sangang-buhatan sa Oroquieta

OROQUIETA CITY, Misamis Occidental, Hunyo 11 (PIA) – Duha ka nag-unang negosyante sa industriya sa wholesale ug retail supply, nga chain ang mibukas sa ilang mga sangang-buhatan sa Oroquieta City, bag-ohay pa lamang, nakapa-osbong sa kahimtang sa ekonomiya sa siyudad.  

Kini mao ang Prince Warehouse Club Incorporated nga naka-base sa Siyudad sa Cebu, kansang katuyoan mao ang pagtubag sa mga kinahanglanon sa mga tawo sa Mindanao pinaagi sa ilang wholesale ug retail merchandise ug ang CamSur Department Store nga nagbaligya sa nagkada-iyang gamit ug mga grocery item, matud pa ni City Mayor Jason P. Almonte.

Ang Prince Warehouse Club pormal nga mibukas sa duha ka libo ug tulo ka gatus ka metro kwadrado (2,300 sqm.) nga pasilidad sa superstore sa Barrientos St. sa siyudad sa milabay nga Disyembre 14, sa buntag samtang ang Novotel sa CamSur chain, sa iyang hotel operations sa Rizal St., nianang pagkahapon, sa maong adlaw.

Ang tulo ka andana (3-storey) nga CamSur Bldg. gipabagayan sa escalator aron mahimong hamugaway ang pagpamalit, ingon man, sa usa ka hotel nga dili kaayo mahal ubos sa gitawag nga internationally famous Asia Novotel, nga anaa mahimutang sa ika-tulong andana, nga nag-ambo sa Iligan Bay.

Si Almonte, kinsa nangulo sa duha ka mga opening ceremony, ang personal nga nagtimbaya ug nagpasalamt sa duha ka mga negosyante sa ilang mga puhunan nga gibubo sa siyudad ug sa kontribusyon ngadto sa ekonomikanhong kalambuan sa siyudad, ingon man, sa kahigayonan sa panarbaho nga gidala niini ngadto sa katawhan sa Oroquieta. (GLS/RCA/PIA10-Misamis Occidental)