Sakop sa BPAT gipusil patay sa iya ra usab nga kauban BPAT
Don Victoriano, Misamis Occidental – Ning nakalabay nga April 13
(mierkules) usa ka sakop sa Barangay Peace Action Team sa lungsod sa Don
Victoriano ang namatay human kini gipusil sa iya ra usab nga kauban BPAT didto
mismo sa ilang BDS/BPAT Outpost sa Barangay Lalud, Don Victoriano.
Nasayran gikan kang COP
Inspector Edgar Tonico nga ang biktima naila nga si BPAT member Booby Balog, 31
anyos, Minyo ug residente sa Purok 2, Barangay Lalud, samtang ang suspetsado
naila usab nga usa ka Junior Marababaon, taga Purok 2 gihapon nga molopyo ug
kauban sa biktima.
Sa dugang imbestigasyon, ang
biktima nagduty sa maong adlaw sa kalit miabot ang suspetsado sakay sa iyang
motorsiklo ug nagyaw-yaw ug matud pa niini nga” Unsa man, dili namo ganahan
nako?” dayug bunot ug pabuto sa usa ka arms de fuego ug mipusil sa biktima.
Naigo si ang biktima sa iyang
dughan ug tiyan nga maoy hinungdan sa iyang kamatayon human gidaklara nga Dead
on Arrival sa LTMPC Community Hospital sa Tangub City ni Dr. Rico Ocampo,
attending physician.
Matud pa human sa pagpamusil
dayon ug kagiw usab ang suspetsado nga karon gipangita na sa kapolisan sa Don
Victoriano.