DXDD-AM 657kHz (Radyo Kampana) is the Strongest and Most listened AM Station in the Province of Misamis Occidental, For almost 46 years of Operation, Dan-ag Sa Dakbayan Broadcasting Corp. Still the No. 1 AM Radio Station in Ozamis City and Continuous Dominating the Airwaves Supremacy in Areas such as Lanao del Norte, Lanao del Sur, Zamboanga del Norte, Zamboanga del Sur, Misamis Oriental and other part of Mindanao and Visayas

Monday, February 22, 2016

Pipila ka mga Misamisnon way paki sa Presidential Debate 2016

Oroquieta City – Sumala sa mga hungihong ug pagpangutana sa Katawhang Misamisnon kabahin sa Unang Presidential Debate nga gipahigayon sa Cagayan University ning nakalabay nga adlaw nga Dominggo, Febrero 21 karong tuiga didto sa Syudad sa Cagayan de Oro, nasayran nga pipila ka mga Misamisnon ang walay paki sa nahitabo.

Sa usa ka ginang sa merkado, matud pa niini nga wala siya kahibalo nga aduna diay debate sa mga kandidato pagka Pamuno nasud. “OO sorry gyud kayo, wala ko masayud nga naa diay debate sa mga mikandidato nga Presidente, basta ako kung kinsa man ang modaug sulbaron unta niya ang kapobrehon namo dinhi nga taga merkado” matud pa niini.

Ning nakalabay nga Dominggo, Febrero 21, lima ka mga kanidato sa agka Pamuno Nasud ang nahidangat sa Cagayan University sa syudad sa Cagayan de Oro aron sa pagatmbong sa Unang debate Presidente nga gihost sa Philippine Daily Inquirer, GMA 7 ug Commission on Election nga mihangtud alas 7 kapin sa gabii nga gisugdan mga alas singko sa hapon niadtong adlawa.

Sa maong debate Presidente aron masayud ang taga-Mindanao ug kung kinsa ang angayan pagapili-on sa Katawhang Pilipinhon nahidangat si Bise Presidente Jejomar “Jojo” BInay sa United National Alliance (UNA), kanhi DILG Secretary Mar Roxas sa Liberal Party(LP), Senadora Merriam Defensor-Santigao sa Peoples Reform Party (PRP), Senadora Grace Poe (IND), ug City Mayor Rodrigo Duterte sa PDP-LABAN.

Upat ka mga round of question and answer ug rebuttal sa maong mga kanidadto diin sa Unang Round ilang tubagon ang kabahinTrack Record ug Performance, ika-duhang round mao ang Poverty AND Economic Reforms, ika-tulo mao na ang Mindanao Issues, ug ang ikaupat mao na ang ilang mensahe nganong magpapili man sila pagka Presidente sa Nasud.