Panimalay sa Barangay Chairman sa usa sa mga barangay sa Don Victoriano, girapido,gilabay ug Granada…
Don Victoriano, Misamis Occidental – Usa ka makutinbg imbestigasyon
ang gihimu karon sa kapolisan sa Don Victoriano
human gikataho nga girapido sa tag-as nga armas ang panimalay sa usa ka Barangay
Chairman nga si Raygen Sarno sa Barangay Tuno, niadtong imaging adlaw martes
(enero 26) sa may alas dos sa kaadlawon nga naghatag ug kahadlok sa
katawhan.
Sa imbestigasyon nga
gipahigayon napulo ug upat (14) ka mga buslot tungod sa igo sa mga bala ang
nakit-an sa mga ginsakpan sa Scene of the Crime Operatives (SOCO) gikan sa
Misamis Occidental PNP Provincial Office.
Basis a nakita sa crime scene
sa taga SOCO ug sa kapolisan sa Don Victoriano nga gipangulohan ni COP Police
Inspector Edgar Tonico nasayran nga usa ka Granda ang gilabay kini basis a nakita
nga upat (4) ka mga metal fragments sa gitugpahan sa maong granda.
Dali usab nga gimando ni Senior Superintendent Leony Roy Ga,
kasamtangan Provincial Director sa kapolisan sa Misamis Occidental ang
pagpahigayon sa imbestigasyon kun adunay
bay kalambigitan ang maong pagrapido sa panimalay sa Barangay chairman sa
Barangay Tuno sa nahitabong pagbanhig sa gisakyan sa Vice Mayor sa maong
lungsod nga si Annabelle Hamoy nga didto mismo sa maong dapit nga nahisakop sa
Barangay Tuno diin duha (2) ka sakop sa bise mayor ang samara nga naila nga sila
si Danny Rabago, driber sa bise mayor ug usa ka road security escort nga sakay
sa motorsiklo niadtong tungura sa pagbanhig nga usa ka Eduardo “Titing” Luna.
Nasayran usab nga ang bana ni
Barangay Chairman Sarno maoy kaatbang ni Mayor Rudy Luna nga magpapili pag-usab
isip Municipal Mayor sa umaabot nga May 9, 2016 election, diin ang ang duha
adunay intense political rivalry sa pagkakaron.