Pasahero sa usa ka Van sikop human makuhai ug "Shabu"
CLARIN, Misamis Occidental – Sikop sa Kapulisan sa lungsod
sa Clarin pinaagi sa Pinaagi sa usa ka tip off gikan sa katawhan ang usa ka Erey Sayson y Copioco, 48 anyos ug taga
Riverside, Decoloc, Jimenez ang nadakpan nga adunay bitbit nga shabu samtang
sakay kini sa usa ka Pak Express Van gikan sa syudad sa Ozamiz ning nakalabay
nga Nobyembre 15 sa may alas 930 sa buntag.
Gipahayag ni P/Senior
Inspevtor Richel Sumagang kasatangang Hepe sa Clarin MPS, nga dako ang iyang
pasalamat sa mga sibiliyan nga hinay-hinay nang misalig sa kapolisan ug mihatag
na sa ilang tabang pinaagi sa pagsumbong ngadto kanila kabahin sa suspetsado
nga nagpayuhot sa illegal ug druga.
Nakuha sa suspetsado ang usa
ka dako nga Sachet sa gikatahapang Druga nga gituhu-an nga nagkantidad ug
P2,000, laing Lima (5) ka mga gagmay’ng sacvhet sa maong gihapong kontrabando
ug upat (4) ka mga aluminum foil strip ug kasamtanga anaa sa Clarin MPS aron sa
pagtubag sa kasong ipasaka sa paglapas sa R.A. 9165.