Ozamiz City Grand Champion sa 6th Pasungko Sig MisOcc

Oroquieta City – Malamposon nga naangkon sa dakbayan sa Ozamiz ang Grand Championship sa gipahigayon 6^th Pasungko SG MisOcc Festival atol sa 86^th Founding Anniversary sa Misamis Occidental ning nakalabay nga Nobyembre 14, alang sa Pasungko Street Dancing ug Showdown Competition nga giapilan sa napulog unom (16) ka mga kalunsuran ug syudad sa probinsya.

Sa maong kadaugan dako ang kahimaya ug pagpasalamat ni City Mayo5r Aldong Parojinog sa maong kadaugan nga gipakapinan ug P100k Cash Prize ug Trophy gikan sa kagamhanang probinsyal sa Misamis Occidental ug Provincial Tourism Council sa pagpangulo ni Liga Provincial Federation President BM Gertard Hilarion Ramiro.

Sa iyang katungod isip mamauloing sa gipahigayon kalihukan, Gipasalamatan ni Mark Lapid, Tourism Infrastructure and Economic Zone Authority (TIEZA) Chief Operating Officer si Gobernadora Herminia Ramiro diin gipasigarbo usab niini nga aprobado na ang Commitment sa TIEZA kabahin sa P25-M nga tabang niini alang sa rehabilitasyon sa Misamis Occidental Aqua Marine Park (MOAP), dugang pa ni Mark lapid nga dili gayud magmanuko sa pagtabang ang iyang buhatan aron mapalapad pa ug mapalig-on ang mga tourism project sa mga probinsiya ug mga kalunsuran ilabi na gayud ang Misamis Occidental tungod sa kusganon niini nga kampanya nga mapalambo ang industria sa Turismo sa probinsya.

Sa lain pang mananaug sa 6^th Pasungko Street Dancing ug Showdown Competition naangkon sa lungsod sa Aloran isip 1^st Place ug P80K nga premyo, 2^nd Place mao ang lungsod sa Baliangao ug premyo nga P50K, samtang ang lungsod sa Jimenez ang 3^rd Place ug ganting P30K ug lungsod sa Plaridel isip 4^th Place ug ganting P20K.

Sa Street Dancing naangkon sa Jimenez ang Best in Street Dancing, Best in Musicality usab ang lungsod sa Clarin, Best in Costumes ang lungsod sa Plaridel ug Best in Props usab ang Ozamiz City. Ang maong mga lungsod ang mipakita gayud sa ilang Subanen Culture based Performance pinaagi sa kultura niini pinaagi sa Baptismal, Enthronement, Wedding, Welcome, Healing ug Harvest na ang Courtship sa mga Ginsalugan Subanen nga maoy Lumad sa Misamis Occidental.