TASKGROUP “Ratsada” gisaka na sa Regional Level, NBI mopahigayon ug Parallel Investigation
Camp Naranjo, Oroquieta City - Anaa na sa Regional Level ang SITG
“Ratsada” kun ang Special Investigation Task Group “Ratsada”nga gitukod sa
Misamis Occidental PNP nga mipahigayon sa makuting imbestigasyon sa kamatayon
ni Cosme Diez Maestrado nga us aka komentarista sa radyo sa syudad sa Ozamiz
Nasayran nga human sa pipila
ka adlaw nga pagtumbok ug pagimbestiga sa kapolisan sa Ozamiz City inubanan sa
tabang gikan sa Misamis Occidental PNP Provincial Police Office pinaagi sa SITG
“Ratsada” gipasaka na kini sa Regional SITG nga gitukod usab sa pagmando ni
Chief Superintendent Lyndel Desquitado kasamtangan Regional Director Police
Regional Office-Northern Mindanao.
Samtang mopahigayon usab ang
National Bureau of Investigation Region 10 ug usa ka parallele investigation
kabahin sa pagpatay sa maong magsisibya diin gihunusan sa iyang kinabuhi
pinaagi sa pagpusil niadftong Agosto 27,
2015 sa usa ka shopping mall sa dalang Washington
St. dakbayan sa Ozamiz.
Si Maestrado nakaangkon ug igo
sa nga wala bahin sa agtang, igo sa too
nga aping ug samad pinusilan usab sa tiyan
gamit ang caliber 45 nga pistola.
Sa imbestigasyon sa SITG
Ratsada, nasayran nga adunay tulo ka motorsiklo ang giimbistiga isip accessory
sa krimen diin nasayran nga ang duha niini nagagikan sa dakbayan sa Iligan, mga
kuha sa CCTV haduol sa dapit sa krimen, diin pinaagi sa Anti Cyber Group sa PNP
PRO 10 usa ka Computerized Facial Composite(CFC) ang migawas na apan dili pa maisapubliko
tungod kay gihulat na lamang ang kaso nga isang-at batok sa mga kriminal.
Sa iyang kabahin gipahayag ni
Police Superintendent Jerry Tambis, kasamtangan Hepe sa Kapolisan sa Ozamiz
City, ang tanan nga ilang nakuhang impormasyon, witness account, Computerized
Facial Composite (CFC) ug mga ebidensya sa maong pagpamusil iya nang gitugyan
sa SITG Ratsada ubos sa pagmando ni Senior Superintendent Macala ug kasamtangan
gitugyan na usab sa Regional SITG.
Dako usab ug pasalamat ni
Superintendent Tambis sa mga tawo sa mga mikooperar sa imbestigsayon ilabi na sa CIDU(Criminal Investigation and
Detection Unit)-Ozamiz, Scene of the Crime Operatives kun SOCO, LTO Ozamiz City
sa dakung aksyon nga nahimo aron
maimbestigahan pag-ayo ang nahitabong pagpamusil sa maong magsisibya.