Mag-uuma gipusil, Kapulisan sa Tangub nangalap pa ug mga ebidensya

Tangub City, Misamis Occidental  – Hangtud ning pagbalita wala pay nakuha nga mga ebidensya ang kapolisan sa Tangub sa pagpangulo sa kasamtangan nga Hepe niini nga si Superintendent Rey Alimanza apan padayon sila sa pagpangita sa gikatahapang namusil sa usa ka mag-uuma didto sa Hoyohoy, Tangub City.

Sa usa ka taho nga gisang-at sa kapolisan niadtong Agosto 28, matud pa gitaho ni Barangay Chairman Quilito Bejec nga personal nga mitaho sa kuerpo sa kapolisan alas dose sa tungang gabie (12MN)kabahin sa usa ka pagpamusil didto sa iyang barangay.

Sa initial nga imbestigasyon sa kapolisan human miresponde ang kapolisan sa pagpangulo ni SPO3 Lazaro Pag-ong nasayran nga alas 11 sa gabie usa ka pagpamusil ang nahitabo diin usa ka Alberto Rodrigo y Filipino, ulitawo, 27 anyos usa ka mag-uuma ug residente sa Prk 1, Hoyohoy, Tangub ang matud pa gipusil sa usa suspetsado nga naila nga si Jimmy Saranillo , Minyo, 40 Anyos usa usab ka mag-uuma ug residente kini sa Purok 3, Hoyohoy, Tangub City.

Sa taho naigo ang biktima sa iyang too nga bitiis samtang kini naglakaw pauli na sa ilang panimalay ug gikan sa Barangay Hall usa ka gatos metros, ang suspetsado mibabag sa biktima ug mipusil ug mikagiw matud.

Gidala gilayon ang biktima sa Dona Maria Tan Memorial Hospital aron sa pagpatambal apan sa pagsiguro gidala usab kini dayon sa MHARSGEN Regional Hospital sa dugang medication, samtang sa imbestigasyon sa kapolisan walay nakuha nga mga enidensya sa nahitabo-an apan padayon kini sila sa pagpangita sa suspetsado.