PAGPAKIGDUGTONG SA MGA NAGKADAIYANG SEKTOR SA KATILINGBAN, MAS GIPAKUSOG PA SA AFP

Ozamiz City, Misamis Occidental - Labing  gipakusog pa sa Armed Forces of the Philippines AFP ilabi na dinhi sa lalawigan ug sa mga kasilinganan nga lugar ang pagpakigdugtong sa mga nagkadaiyang sektor sa katilingban human kini mibunga og maayong resulta.

Kini ang nahimung pahayag ni  Col. Jesus Mananquil, ang 101^st  brigade Commander sa Tabak Division nga gumikan sa nagpadayong programa AFP  matag tuig mapugngan ra ang pagsiaw sa kaso sa insurhensiya labina sa Misamis Occidental.

Usa sa mga sektor nga padayong nakapahimulos sa community relation program sa AFP mao ang mga Indigenous People ug mga kabatan-onan nga hamyang sa mga recruitment sa Communist Party of the Philippines New People’s army.

Gibida sa AFP  ang programa sa edukasyon, outreach mission, infrastructure projects, livelihood assistance ug daghan pang uban nga makatabang sa paspas nga pagpalambo sa ekonomikanhong kahimtang alang sa mga marginalized sector.