73 Anyos nga Lolo Gitulis , Gihuktan, giluba-luba Patay!
Plaridel, Misamis Occidental – Anaa gihapon sa usa ka makuting
imbestigasyon ang kapolisan sa lungsod sa Plaridel human sa usa ka ngil-gig nga krimen sa usa ka 73 Anyos
nga Lolo gidunggab patay ug gituohang gitulis sa wala mailing mga suspitsado.
Sa nakuhang impormasyon gikan sa
kapolisan sa Lungsod sa Plaridel ang biktima naila nga usa ka Lauro Guingguing
y Bongcaras, 73 Anyos, usa ka Balo, retiradong empleyado sa gobierno ug
kasamtangan nagnegosyo sa usa ka Sari-sari Store didto Purok Pag-Asa 1,
Barangay Bato, Plaridel, Misamis Occidental
Sa imbestigasyon nasayran
gikan sa Igsoong babaye sa biktima ug apo niini, nga ilang gibiyaan ang
tigulang nga nag-inusara sa panimalay niini samtang ang duha nanimba niadtong
Agosto 9, 2015 ug sa nahi-uli na kini, nakita na lamang ang biktima nga
nagbuy-od ug naligo na sa iyang kaugalingong dugo.
Dugang pa sa imbestigasyon nga
gigaopos ug binaklid, gisul-uban ug sako
ang ulong bahin sa biktima, sa usa ka post mortem examination nga gihimo ni Dr.
Anne Bao-as Bacarro, Municipal Health Officer napamatud-an nga ang biktima
namatay tungod sa samad dinungaban sa iyang too nga dughan tungod mismo sa
right anterior chest, cracked, depressed wound anterior portion sa iyang Ulo
apil na niini ang mga mata sa biktima.
Dugang pa sa maong medico
legal namatay ang biktima tungod hypovolemic shock due to stab wounds ug
strangulation of the neck.
Nawala usab sa gikan sa
biktima ang usa ka black belt bag nga adunay undetermined cash money nga halin
sa iyang Sari-sari Store ug usa ka relo de pulso nga goldplated diin nasayran
nga mahalon nga relo de pulso.
Sa pagkakaron nangalap pa ug ebidensya ang kapulisan kun kinsa ang mihimo sa maong
mangil-gig nga krimen, ug gisayran pa usab niini ug kung asa nagagikan ug milusot ang mga
suspitsado ug kung asa kini mipaingon. (Oroquieta News Bureau)