DXDD-AM 657kHz (Radyo Kampana) is the Strongest and Most listened AM Station in the Province of Misamis Occidental, For almost 46 years of Operation, Dan-ag Sa Dakbayan Broadcasting Corp. Still the No. 1 AM Radio Station in Ozamis City and Continuous Dominating the Airwaves Supremacy in Areas such as Lanao del Norte, Lanao del Sur, Zamboanga del Norte, Zamboanga del Sur, Misamis Oriental and other part of Mindanao and Visayas

Friday, July 24, 2015

PANIMALAY SA USA KA PULIS GIRONDA, DRUGANG "SHABU" NAKUHA



Tangub City, Misamis Occidental –  Gironda sa hiniusang pwersa sa Kapulisan ang panimalay sa usa ka pulis pinaagi sa usa ka search warrant mahitungod  sa illegal nga druga.

Pinaagi sa Tangub PNP sa pagpanguna ni Superintendent Rey Cabanas Alimanza, Hepe sa Kapolisan sa maong syudad uban sa tropa sa Provincial Public Safety Company kon PPSC  Mis.Occ gironda ang gikatahong panimalay dala ang  Search Warrant No. 2015-007 nga gipitsahan ug July 20, 2015 nga gipirmahan ni Honorable Judge Sylvia A. Singidas Machacon, Executive Judge sa RTC 10th Judicial Region Branch 16 aron sa pagkuha ug mga ebidensya batok sa suspect diin gidudahan nagpayuhot sa illegal nga druga kon naila nga “Shabu”.

Ang maong pulis usa ka PO1 Michael Baguhin sakop sa Provincial Public Safety Company (PPSC) sa Misamis Occidental

Sa taho nga nadawat, ang suspetsado human nasakpan nga nagbaligya sa gikathapan illegal nga drugang shabu, dali usab nga gidu-olan sa usa ka joint team sa Tangub City Police ug sa PPSC nga nadestino sa Barangay Sta.Maria, nakahimo pa pagdagan ang suspetsado ug gikuha ang M-16 Rifle nga issue kaniya ug usa ka handgrenade didto sa iyang hideout apan nakumpiska kini sa raiding team, apan sa gihapon daw usa ka idlas nga mananap nakadagan pa gayud ang suspetsado nga ang dala na lang niini mao ang usa ka granda.

Sa tinguha nga madakpan, dali usab nga gisirkulahan sa kapolisan ang maong hideout apan pakyas nga madakop ang suspetsado, ug sa pagutingkay sa iyang gitagu-an hideout, nakapalagan sa maong raiding team ang usa (1) ka sling bag nga adunay sulod nga blue plastic box diin adunay nakit-an nga usa ka plastic sachet nga adunay  24 ka buok sulod nga mga gagmay’ng plastic sachet nga gituohang “shabu”.

Lakip  sa  nakaplagan ang lain upat (4) ka mga gagmay’ng plastic sachet sa shabu nga nabutang sa usa ka drawer sa suspetsado, duha (2) ka weighing scale, duha (2) ka disposable lighter, usa (1) ka gunting, usa (1) ka improvised water totter, napulog tulo (13) ka mga aluminum foil, tulo (3) ka pocket notebook.

Nakuha gihapon sa kapolisan ang usa (1) ka RCBC Wallet, Usa (1) ka PSSLAI Card, duha (2) ka PRC ID Card, usa (1) ka LandBank Cash Card, usa (1) ka postal ID, ug usa (1) ka Police Identification Card No. 12L190110 nga adunay ngalan sa suspetsado.

Usa ka O+ cellphone kolor itom ug puti, duha (2) ka 1 thousand peso bill, tulo (3) ka tag-500 peso bill ug duha (2) ka twenty pesos bill, suma total P3,540.00, duha (2) ka  1 Saudi Rial Money, duha (2) ka 5 Saudi Rial Money, upat (4) ka fake 1 thousand peso bill.

Ang armas M-16 Rifle nga naimbargo nga adunay serial number SN RP 122890, usa (1) ka steel magazine nga adunay sulo napulog lima (15) ka mga buhing bala sa M-16 Rifle ang nakuha sa kapolisan sa Tangub ug PPSC.

Human nakuha ang maong mga ebidensya ang gidala gilayon sa korte alang sa usa ka inventaryo niini.
Kasong  paglapas  sa  R.A. 9165 kun Comprehensive Dangerus Drugs Act.

Kahibaloan ang maong  suspetsado ang adunay kasong Robbery apan giingung acquitted kini, 

Lakip usab kini sa nakumpiskahan ug armas human giraid sa mga NPA ang Don Victoriano Police Station ug nasuspenso pipila ka bulan.

Apan gitagaan Kini  ug higayon sa PNP aron mahibalik sa pagduty isip  Pulis, apan sa maong search warrant nga gipirmahan ni Honorable Judge Sylvia Singidas-Machacon, sa nakalabay nga July 20, 2015, bisan pa nga ang suspetsado naka-ikyas apan nakuhaan ug mga ebidensya mag-atubang kini ug kasong paglapas sa Section 11 ug Section 12 sa R.A. 9165 kun ang Comprehensive Dangerous Drug Act of 2002.//MisOccBureau