Sunog sa Barangay Maningcol bana banang lima ka balay UGDAW
Sa gihimung pakighinabi sa DXDD News team ngadto sa mga residente sa maong compound nga nagsugod ang maong sunog mga alas singko (5) kapin kun kulang sa hapun diin didto kini nagsugod sa usa ka boarding house sa maong dapit.
Daling mikaylap maong kalayo sa kasikbit nga balay hinungdan sa pagka ugdaw sa gituohang lima ka balay lakip ang panimalay sa tag-iya sa maong compound nga usa ka Nicomedes Paez kanhi Kagawad sa maong barangay.
Kadaghanan sa nanimuyo sa maong boarding house ang tapot lawas lng ug wlay nakuhang butang gikan sa ilang giabangan.
May mga nag-abang usab nga igo na lamang kini gipahibalo nga nasunod na ang ilang giabangan gumikan sa anaa kini trabaho ug ang uban usab namaligya pa nga maoy pangibuhian niini.
May mga residente usab ang mitaho nga kun wala lang nahutdi ang unang fire truck ug tubig dili makatabok ug makakatay pa ang maong kalayo apan giingung nahutdan ang usa sa mga fire truck nga unang nakarespondi busa daling gilamoy sa kalayo ang anaa sa maong compound.
Swerteng wala ra nakakaylap sa compound sa OCSAT ang maong kalayo.
Kasamtangang nangita pa ug dugang datos ang kabomberohan arun masayran ang damyos sa gilamoy sa maong sunog
Basi sa impormasyon nga nakuha gikan sa Bureau of Fire Protection BFP Ozamiz gideklara ang pagkontrola sa kalayo mga alas 6:15 sa gabie ug hingpit nga napalong kun fire out mga 6:40 na sa gabie. Padayon pa ang gihimung imbestigasyon sa kabomberohan kun unsa ang posibling hinungdan sa kalayo sa maong sunog.
Mirespondi sa maong sunog ang fire truck nga gikan sa BFP Tangub City, BFP Tudela, Fire truck nga iya sa Hebron ug ingun man ang fire truck nga gikan sa BFP Ozamiz City.(Action 8 MFR)
