TAWO GISULOD UG SAKO NAKIT-AN SA MANANAGAT

Ozamiz City, Misamis Occ. - Usa ka mananagat ang nakakahig sa patay lawas sa usa ka tawo nga gisulod pa ug sako nga gituohang gisalvaged.

Ang biktima giila sa tagtungod nga usa ka Richard Sabanico 33 anyos ug kanhi lumolupyo sa Brgy. San Roque, Ozamiz City ug karon temporaryong nanimuyo sa P2 Brgy. Malaubang ning syudad

Sa inisyal nga imbestigasyon sa kapulisan katapusang nakit ang maong biktima niadto pang Hunyo 12 mga alas 6 ang takna sa buntag  diin nahibaw-an na lamang sa tagtungod nga nakit an na lamang kini nga nakasulod ug sako nga gahimaklid ang posisyon.

Nakaangkon ang maong biktima ug duha ka samad pinusilan sa wala nga ulo nga bahin niini ug usa sa mata nga bahin sa biktima Sa pagkakaron padayon pang gihimuan ug halapad nga imbestigasyon sa kapulisan ang maong hitabo.(MobileNews08)