KAKULANGON SA CLASSROOMS MAS MODAGHAN KUNG WALAY PONDO ALANG SA REPAIR-DEPED

Kulang og 91,000 ka mga classrooms sa tibouk ppilipinas alang sa umaabot nga face to face classes, kini ang gibutyag ni Department of Education Undersecretary Efimaco Densing III atol sa hering sa Senate Committee on Basic Education niadtong Agosto 19, sa buntag.

Sa report ni Densing sa Senate hearing, iyang gibutyag nga nanginahanglan og P40-bilyon ang DepEd alang sa repair sa mga eskuelahan nga nanguba tungod sa kalamidad sukad pa niadtong tuig 2015.

Sa P40-Bilyon nga gikinahanglan, P16-bilyon niini ang pinaka importante nga iyang gikonsiderang “MOST IMPORTANT”

Matud ni Densing, andam na ang DepEd alang sa pag-abri sa in-person class karong Agosto 22.

Matud ni Densing, posibling maapektuhan ang mga estudyante sa umaabot nga tuig kung dili mahatagan og pondo ang DepEd alang sa pag-repair sa mga guba na nga mga classrooms ug mosamot ang kakulangon.

Gisaysay ni Densing sa senate meeting, ang kakulangon sa classrooms usa ka dakung hapit sa DepEd.

Una nang namulong si Vice President ug DepEd Secretary Sara Duterte nga ang danyos sa Kalamidad sa mga propedad sa DepEd mokabat sa P5-bilyon hangtud P6-bilyon, apan P2-bilyon lang ang ginagahin alang sa ilang Quick response Fund (QRF).