MIDDAY REPORT 12NN-12:45NN
HEADLINES
National ‘No more secrets’ sa pagtubag sa pandemic sumala pa ni president Marcos.
International: Biden gibasul sa Russia ang pagmahal sa presyo sa lana ug krisis sa pagkaon
Regional News
Malipayon Ang katawhang Dabawenyo sa gipahigayong libreng concert alang sa homecoming ni kanhi Pangulong Rodrigo Duterte nga karon usa na ka private citizen.
Ang maong concert nga gitawag nga “Salamat Tatay Digong” ang gipahigayon sa parking lot A sa NCCC Mall Victoria Plaza.
Nagsilbi kining tribute alang sa kanhi presidente sa Pilipinas nga bag-ohay lamang mikanaog sa iyang pwesto.
Sa iyang pagbalik didto sa dakbayan sa Davao, mamahimo na lamang siyang private citizen apan gihigugma sa kadaghanan.
Simple lamang ang maong concert diin gipangmuntar ang usa ka stage, tent, portable toilets nga gipakatag sulod sa event area.
Gibana-banaang muabot sa kapin-kulang usa ka libo ka indibidwal ang mitambong sa maong konsyerto .
Samtang, hingpit gihapong gibawal ang pagsul-ob og jacket ug kalo, pagdala og hait nga hinagiban o butang sama sa payong , ug ingon man ang pagdala og backpack ug non-transparent water bottles.
Gikalipay sab sa mga Dabawenyo ang pag-perform sa mga local artist nga gipangunahan sa The Dukes, The Curve , R2k Band ug Aila Santos, Nemrac Band, DonJie & Kervie Salazar, ug D’lanto Kids.
Gi-awhag sab ang mga Dabawenyos nga sul-obon ang ilang “Salamat Tatay Digong” T-shirt.///
Regional News
KORONADAL CITY — Miabot sa 110 ang mga new reactive cases sa human immunodeficiency virus o HIV sa South Cotabato sa unang quarter sa 2022.
Gipahayag ni John Arlo Codilla, Nurse III sa IPHO-South Cotabato, ipailawom pa sa confirmatory evaluation sa central office ang nasangpit nga mga kaso samtang gitambalan na kini sa provincial level.
Gihayag ni Codilla, nga mohatag guilayon sila og mga antiretroviral medicine sa mga gipakitaan og infection.
Gipahayag usab niini nga gipailawom nila sa evaluation ang nasangpit nga mga kaso aron mahibaw-an kung asa nakuha sa usa ka pasyente ang HIV niini.
Sa pagkakaron, nagpadayon ang ilang pagtutuk sa mga pasyenteng adunay HIV sa lalawigan.///
National News
Misaad kagahapon si Pangulong Ferdinand “Bongbong” Marcos Jr. nga ayuhon ang mga kakulangon sa gobyerno sa pagtubag sa pandemya ug walay mga sikreto pagdangat sa isyu sa public health.
Misaad usab si Marcos nga dili na subling makurat ang Pilipinas nga walay mga nakaandam nga kahimanan kon ugaling subling mahitabo ang pandemya.
Usa si Marcos sa mga unang nataptan sa COVID-19 niadtong paghapak sa pandemya.
Gisaway usab ni Marcos ang luya nga public health system sa nasud nga wala moepekto sa pandemya.
Nalakbitan usab niya ang pagbiya- sa mga medical workers para mangita og oportunidad sa gawas sa nasud.
Gipahayag usab ni Marcos nga ang mga nurses sa Pilipinas ang pinakahanas sa tibuok kalibutan og giila sa ubang nasud ang ilang katakos apan wala mahatagi ug bili sa ilang kaugalingong nasud.
Misaad si Marcos nga adunay mahitabong kabag-uhan ilabi pa nga kauban sa iyang Gabinete ang usa ka Ople nga ang gihisgutan mao si Migrant Workers Secretary Susan Toots Ople.///
National News
Giingong wala nabalaka si kanhi Comelec Commissioner Rowena Guanzon sa pagpagawas og Supreme Court (SC) sa temporary restraining order (TRO) aron temporaryong pugngan ang substitution para sa paglingkod niya sa Kongreso isip P3PWD Partylist nominee.
Sa usa ka statement, gipahayag ni Guanzon nga mopasaka sila og comment sa Korte Suprema sulod sa 10 ka adlaw base usab sa kamanduan sa korte.
Ang gipagawas nga (TRO) gihimo aron paburan ang petition nga gipasaka sa Duterte Youth Partylist Rep. Ducielle Marie Cardema ugsa iyang mister nga si Ronald Cardema.
Ang P3PWD nakakuha og usa ka lingkuranan sa incoming 19th Congress.
Gipahayag usab ni Guanzon, nga nanumpa na niadtong nakalabayng semana sa usa ka Court of Appeals justice, miduso na usab siya og Certificate of Proclamation sa House of Representatives niadtong nakalabayng Lunes.///
International News
Nagsugod na ang pinakadakung international maritime exercise sa kalibutan.
lakip ang Pilipinas ug 25 ka nasud sa Rim of the Pacific (RIMPAC) kung diin ang host mao ang US Navy.
Gipahayag sa US Navy nga adunay 38 surface ships, upat ka submarines, siyam ka national land forces, subra sa 30 nga unmanned systems, 170 nga eroplano ug subra sa 2,500 ka personnel.
Gipadala usab sa Pilipinas ang BRP Antonio Luna nga usa ka guided missile ship.
Pipila sa mga kanasuran naglakip sa Australia, Brunei, Canada, Chile, Colombia, Denmark, Ecuador, France, Germany, India, Indonesia, Israel, Japan, Malaysia, Mexico, Netherlands, New Zealand, Peru, South Korea, Singapore, Sri Lanka, Thailand, Tonga, og United Kingdom.
Himoon kini sa kadagatan sa Hawaii ug southern California nga matapos hangtud sa Agosto 4.///
International News
Gibasul ni US President Joe Biden ang Russia sa padayon nga pagtaas sa presyo sa gas ug krisis sa pagkaon.
Sa iyang pakigpulong sa North Atlantic Treaty Organization (NATO) Summit nga gipahigayon sa Madrid, gikondina sa US President ang gihimong pag-atake sa Russia sa Ukraine.
Gumikan sa krisis sa gas nagpagawas kini og pipila ka milyong bareles sa oil sa kada adlaw gikan sa ilang oil reserve.
Gipangayo usab niini sa kongreso nga temporaryong tangtangon ang buhis sa gasolina.
Mahinumduman nga gibabagan sa Russia ang mga pantalan sa Black Sea nga maoy hinungdan sa pagkalangan og dili makaagi ang mga trigo nga gikan sa Ukraine.///
No comments