BATAN-ON UG SENIOR CITIZEN GTUGOTAN SA BORACAY, MANILA BAY GIABLIHAN APAN DID-AN DIHA SA SIMBAHAN, SEMENTERYO GISIRADU-AN

 OZAMIZ CITY, MISOCC - Mipahungaw sa iyang pagbati ang Magbalantay sa Local nga Simbahan sa Archdiocese sa Ozamis sa decision sa Inter Agency Taskorce IATF sa pagmugna sa mga balaudnon ilabi na sa kalihukan nga may kalambigitan sa Pagtoo.

Sa Homilya sa Misa concelebrada nga gipahigayon sa Parokya ni San Miguel sa Tangub City gipahayag ni Abp Martin S. Jumoad, D.D. daku kaayong tanghaga nga ang Boracay tugotan ang mga batan-on ug mga tigulang nga makaadto lakip na ang Manila bay apan ang Simbahan ang gidid-an sa pagpasulod sa mga batan-on ug tigulang , ang sementeryo pagasirad an sa nagsingabot nga paghandum sa adlaw sa mga kalag ug adlaw sa mga Santos.

Namatikdan ni Abp Jumoad nga mas 1st priority sa IATF ang pangkalibutanon nga butang lamang nga wala nahitukma sa gitudlo diha sa Simbahan ug 2nd Priority lamang ang mga religious affairs.
Dugang pa sa Arsobispo nga sa dili pa unta mopagawas ug mga reglamento nga may kalabutan sa mga religious affairs makigmeeting ug mohimo unta ug consultation.

Nakapangutana ang Arsobispo nganong naingon ang mga decision sa IATF kon unsa ba position sa Inter Agency TaskForce nga sama sa wala kini mihatag ug maayong pagtulon-an aron sundon sa mga kabatan-onan.
Dugang pa sa Magbalantay nga buot ba sa IATF nga mamahimong mopatigbabaw ang pangkalibutanon nga aspeto ug dili ang pagkama-ampuon sa katawhan.

Tungod sa maong panghitabo wala na kini nahimuot sa IATF isip anaa sa CBCP Permanent Council.
Gipasabot ni Archbishop Jumoad nga iya kining gibutyag aron makabalo ang mga Opisyalis sa probinsiya sa Misamis Occidental ug kon adunay mopaabot niini ngadto sa Inter- Agency Taskforce kon IATF mas maayo apan mao kini ang iyang nabantayan subli kining namahayag nga mas maayo nga sa dili pa kini mopagawas ug mga reglamento mohimo kini ug consultation ilabi na sa hilisgutanan sa religious Activity.