No 10 sa ZaNorte, No 9 sa Dipolog City ug No 2 sa Ozamiz City, sikop

Ozamis City – Pinaagi sa usa ka joint operation sa PDEA-PSET Misamis Occidenta, PIB-MOCPPO, ug kapolisan sa Ozamiz sa pag-pangulo nila ni PDEA Agent Jun Baustista, ug Suprintendent Regio Oniate, COP Ozamiz City Police Office, nadakpan ang usa ka Jhon Lowee Gallemit y Pacillos, 35, ug residente sa Barangay Tabid.

Sa maong pagkadakop usa(1) ka putos sa ginadiling drugang “Shabu” ang nakuha gikan sa suspetsado ug usa (1) ka PARAOrdinance Caliber .45 serial number 836572 ug usa () ka steel magazine nga adunay sulod walo (8) ka mga bala.

Sa dugang imbestigasyon nasayran nga ang suspetsado nakalista isip No 10 sa Watchlits sa Zamboanga del Norte, No 9 sa Watchlist usab sa Dipolog City ug No 2 sa listahan sa Ozamiz City PNP Office sa Drug Watchlits niini.

Kasamtangan ang suspetsado ang nabalhug na sa Ozamiz City PNP Lock Up Cell ug naghulat na lamng nga ipasaka sa kaso niini sa hukmanan.