DXDD-AM 657kHz (Radyo Kampana) is the Strongest and Most listened AM Station in the Province of Misamis Occidental, For almost 46 years of Operation, Dan-ag Sa Dakbayan Broadcasting Corp. Still the No. 1 AM Radio Station in Ozamis City and Continuous Dominating the Airwaves Supremacy in Areas such as Lanao del Norte, Lanao del Sur, Zamboanga del Norte, Zamboanga del Sur, Misamis Oriental and other part of Mindanao and Visayas

Thursday, December 10, 2015

TIGPAYUHOT UG ILEGAL NGA DRUGA SA PLARIDEL SIKOP SA CHECKPOINT

PLARIDEL – Sikop sa kapulisan sa lungsod sa Plaridel ang usa ka tigpayuhot ug illegal nga druga pinaagi sa usa ka check point

Ang suspitsado naila nga  Usa ka Rony Dagpin y Chiong, 30 anyos, lulopyo sa Tugas, Sulangon, Dapitan City diin ang maong checkpoint ang gipangunahan sa hepe niini nga si P/Inspector June Booc human sa usa ka checkpoint sa National Highway, Panansalan, sa maong lungsod .

Sa imbestigasyon sa kapulisan nasayran nga sakay sa usa ka Rural Transit ang maong suspetsado nga paingon na sa Dipolog City gikan sa Ozamiz City, tungod sa mga intelligence report pinaagi sa usa ka checkpoint nga dali usab nga gipahigayon nasakote ang suspetsado nga adunay dala nga epektos, ang ginadiling druga nga giingung gium-um niini sa iyang baba, apan milagpot ang usa (1) ka gamay nga plastic sachet nga adunay sulod nga shabu.

Sa maong higayon gikan gihapon sa iyang baba, laing usa ka dako nga putos sa plastic sachet susama gihapon sa unang nakuha sa kapolisan, sa maong sitwasyon girikisa na sa kapolisan ug nakuha pa gayud sa bulsa sa gisul-ob niini short pants ang laing duha ka sachet nga adunay sulod sa gikatahapan drugang shabu ug duha ka plastic sachet nga wala nay sulod.


Human sa maong pagdakop gidala gilayon ang suspetsado sa kuwerpo sa kapolisan sa Plaridel aron himo-an pa ug dugang imbestigasyon apil na ang pagpasaka ug kaso sa paglapas sa R.A. 9165 COMPREHENSIVE DANGEROUS. DRUGS ACT OF 2002