DXDD-AM 657kHz (Radyo Kampana) is the Strongest and Most listened AM Station in the Province of Misamis Occidental, For almost 46 years of Operation, Dan-ag Sa Dakbayan Broadcasting Corp. Still the No. 1 AM Radio Station in Ozamis City and Continuous Dominating the Airwaves Supremacy in Areas such as Lanao del Norte, Lanao del Sur, Zamboanga del Norte, Zamboanga del Sur, Misamis Oriental and other part of Mindanao and Visayas

Wednesday, December 9, 2015

14 Schools Division, 2,957 Elementary ug HS Students nagtapok alang sa 2015 RSPC Northern Mindanao

Oroquieta City – Napulog Upat (14) ka mga DepED Schools Division sa tibook Rehiyon 10 diin anaa sa 2, 957 ka mga estudyante sa elementariya ug secondariya nga mga tulunghaan ang nagtapok karon sa syudad sa Oroquieta isip 2015 host city division sa tulo ka adlaw nga Regional Schools Press Conference.

Sa iyang kabahin isip Host School Division Superintendent, gipadayag ni Dr. Agustines Cepe, Ph.D. CESO IV nga ang tinuig nga tapok sa mga campus journalist pinasikad usab sa DepED Rehiyonal nga Buhatan Memorandum Order Numero 82, serye tuig 2015.

Diin nagtumong kini sa padayon ug malahutayong pag-umol sa mga kabataan nga adunay talent isip mga campus journalist. Ang 2015 Regional Schools Press Conference, dili lamang competition sa pagsulat o pagsibya kun dili ang pagbaton ug responsibilidad isip magsisibya ug manunulat ilabi na gayud sa social consciousness alang sa kinabuhi sa usa ka tawo.

Si Gobernadro Hermie Ramiro, kuyog sa Bise Gobernador sa Misamis Occidental ang mihatag usab sa ilang mga mensahe saq kalambu-an ilabi na gayud sa pagsoporta sa mga kabataan isip mga ugma sa ilang katungod nga imo unya bag-ong lideres sa katilingban.

Kini usab ang punto di vista ni Congressman Jorge Taghap Almonte isip keynote speaker sa maong pagbukas sa 2015 RSPC kun Regional Schools Press Conference diin dugang niini nga ang usa ka campus journalism dili usa ka ordinaryong tulumanon sa usa ka sakop sa kabatan-onan, ilabi na usa ka batan-ong estudyante.

Sa tema karong tuiga 2015 nga nagkanayon “the Role of the 21st Campus Journalist in Upholding Good Governance, Leadership and Transparency” usa ka hagit ngadto kanila alang sa usa ka responsibilidad dili lang sa iyang tulunghaan kun dili sa iyang ka-estudyante, magtutudlo, labaw sa tanan sa pamilya niini,” matud pa ni Kongresista Almonte.


Ang 2015 Regional School Press Conference gitambungan sa 2,957 ka mga Elementary ug HS Students gikan sa DepED School Division sa Bukidnon, Camiguin, Lanao del Norte, Misamis Occidental, Misamis Oriental ug mga syudad sa Cagayan de Oro, El Salvador, Gingoog, Valencia, Malaybalay,  Iligan, Ozamiz, Tangub, ug Oroquieta nga maoy host city school division.