Plaridel MPS ug 2nd Platoon sa PPSC nakadakop ug Pusher-Usher
Plaridel, MisOcc –
Human gipanghugtan ang kampanya batok mga illegal nga buhat ug kalihukan sa
Plaridel Municipal Police Station sa pagpangulo ni Police Senior Inspector June
Booc inubanan sa augmentation Force gikan sa 2nd Platoon sa Public
Safety Company sa Misamis Occidental Provincial Police Office tungod sa
kasaulogan sa kapistahan sa lungsod ang nakadakop ug usa ka suspetsado sa
nagpayuhot ug illegal nga druga sa Plaridel.
Nasayran gikan ni Senior Inspector Booc nga usa ka
nag-ngalan ug Mario C. Dahilog, 35 Anyos ug nagpuyo sa Purok 3, Barangay Looc
Proper sa maong lungsod ang nadakpan human gipalitan kini sa usa ka nagtakuban
pulis ug usa ka sachet sa maong shabu ug aluminum foil sa balor P200.00 ug
gidakop gilayon sa lain mga nagpahipi nga mga pulis.
Sa pagimbistigasyon sa kapolisan nasayran ug nakuha
gikan sa suspect ang laing pang mga plastic sa sachet sa gikatahapang druga sa
iyang posisyon diin sa pag-ihap niini adunay baynte sais (26) pa ka mga
gagmayng putos kun sachet sa maong illegal nga drugang shabu, katorse (14) ka
mga aluminum foil, siyam (9) ka mga disposable lighters ug ang buy bust money
nga nagkantidad ug P100.00 pesos gikan sa maong suspetsado.
Niini gidala gilayon ang suspek sa Plaridel Lock Up Cell
alang sa insaktong disposasyon ug pagsang-at sa kasong nakalapas sa R.A. 9165
ug ordinansa sa lungso batok sa pagpayuhot sa illegal nga druga ug uban pang
kriminalidad ilabi na gayud sa tingabot nga kapistahan sa lungsod sa Plaridel
karong Septembre 10.