Breaking News

Groundbreaking Ceremony sa 85-M Community Hospital Project sa Plaridel gipahigayon

Plaridel, Misamis Occidental – Gipahigayon nga malamposon ang groundbreaking ceremonies sa 85-M Community Hospital project sa lungsod sa Plaridel Misamis Occidental ning nakalabay nga Agosto 29 didto sa pagatukurang  Barangay Panansalan.

Una nang nasayran gikan mismo kang Municipal Mayor Diego “Diegs” Ty nga hinatag kini sa maayong kabubut-on ni Senador Teofisto Guingona nga inabagan usab sa pundo gikan mismo sa Department of Health nga walay counterpart gikan sa lungsod.

Gani ang maong proyekto pagahimoon alang ug tungod sa maayong feasibility study nga gilangkuban sa matinud-anong kinahanglanon sa katawhan sa Plaridel human sa dugay nang panahon nga gidamgo kini nga makabaton gayud ug usa ka hospital sa katawhan.

Sulod sa duha ka tuig ug unom ka mga bulan sa iyang panerbisyo isip mayor ang maong damgong katuman sa katawhan matuman gayud pinaagi sa maayong panggamhanan ni Mayor Diegs Ty.

Sa maong kalihukan gitambungan gayud kini mismo sa mga opsiyales sa lungsod, mga barangay officials, ug sa duha ka higala sa Mayor nga sila Lopez Jaena Mayor Michael Gutierrez, NAPC Commissioner Gadwin Handumon nga kasamtangan usab General manager sa Paglaum Multi Purpose Cooperative, Incorporated, representante sa Provincial Government ug uban pang mga bisita.


Sa iyang katungod gipasalamatan sa mayor sa Plaridel ang tanang nga misoporta usab sa maong groundbreaking ceremony ang tanan nga mitambong ilabina gayud ang katawhan sa lungsod nga sa gidugayon sa ilang pagdamgo nga makabaton ug hospital maangkon ra gayud kanila ang maong 200 capacity community hospital nga  kumpleto sa kagamitan, tambal ug mga personahe.