Buy Bust Operation sa Ozamiz City Police malamposon

Ozamiz City – Malamposon nga napahigayon ang usa ka buy bust operation sa kapolisan sa Ozamiz sa pagpangulo ni Superintendent Jerry Tambis ning nakalabay nga Setyembre 14 didto sa Purok 3 Brgy Triunfo, Ozamiz City.

Nasayran nga usa ka Marife Daroy, 31 Anyos, walay trabaho ugnagpuyo sa maong dapit ang gidakop pinaagi sa buy bust operation diin nakuha gikan sa iyang posisyon ang 12 ka mga sachet sa gikatahapang drugang “shabu”,  4 ka improvised lighter, pipila ka book improvised tooter, ug mga aluminum foils.

Dugang taho nga nadawat, tulo ka mga suspetsado usab nga nagamit sa maong illegal nga druga ang nadakpan sulod sa pinuy-anan sa suspetsado nga nagpayuhot sa maong illegal nga druga diin matud pa..unsa may gibuhat sa tulo?..busa gidala usab sila sa kuerpo sa kapolisan aron maimbestiga ug kung mapamatud-an nga naggamit sila usab pasaka-an ugkasong nakalapas sa R.A. 9165 ilabi na ang paggamit kun usher.

Ang tulo naila nga sila, James more Esin y Minguito, 22 Anyos, usa ka sales boy, ug residente sa Purok 3 Dullan Sur, Oroquieta City, Olif Manisan, 20 Anyops estudyante sa Misamis University (MU), residente sa Purok 2, Gata Daku, Clarin, MisOcc, ug usa ka Hernan Bacanto y Villa, 28 Anyos,Ulitawo, walay trabaho ug nagpuyo sa Abanel Extension, Barangay Aguada, Ozamiz City.

Sa maong pagkasikop atua karon ang tulo ka mga indibediwal ug ang suspetsado aron sa pagtubag sa mga kasong ipaska unya sa paglapas sa R.A. 9165 kun ang Comprehensibe Drug Act of 2000 as Amended.