Team MisOcc mihatag ug Pasidungog sa mga ginsakpan niini

Kampo Lucas Naranjo, Oroquieta City – Tungod sa maayong  buhat ug trabaho sa ilang tagsa-tagsa ka misyon isip local nga buhatan sa kapolisan sa lalawigan. Gipasindunggan ang pipila kanila isip mga modelo sa maayong kagawian ug gimbuhaton sa ilang mga misyon ug kaakuhan aron masiguro ang kalinaw ug kahusay sa Misamis Occidental.

Una niini mao ang Misamis Occidental Provincial Intelligence Branch (PIB) sa pagpangulo ni P/Superintendent Delmani Sajore Sudding Jr diin maka-upat (4) ka higayon nahimong Regional Winner isip No. 1 sa natad sa Intelligence Performance Evaluation.

Ang Misamis Occidental PNP Provincial Intelligence Branch naka-angkon sa Numero Unong puesto sa 3^rd Quarter  ug 4^th Quarter sa tuig 2014, Sa tuig 2015 nakuha usab niini ang Numero Unong puesto sa 1^st Quarter ug 2^nd Quarter.

Sa maong kahigayonan ug tranaho gihatagan ug Plaque of Recognition ni Senior Superintendent Archival Diokno Macala isip Provincial Director sa Misamis Occidental PNP Provincial Office ang Provincial Intelligence Branch.

Samtang nakakuha usab sa susamang Plaque mao ang Oroquieta City Police Station sa pagpangulo ni Chief Inspector Edgar Omandam kasamtangan Hepe sa Oroquieta City Police Office human nadakpan pagbalik ang duha ka mga binilanggo nga nakaikyas sa Mobod Reformatory and Rehabilitation Jail sa BJMP nga sila Earl Figura I Yting nga adunay kasong Murder ug si Efren Gemina y Rivera Jr nga adunay kasong nakalapas sa R.A. 9165.

Samtang nakuha usab ni PO3 Marvin Tunga Anciano sa Oroquieta City Police Office isip Best Warrant Server Police Non-Commission Officer (PNCO) ug si NUP Analyn Cagas Tijing diin una nang gipasidunggan sa Police Regional Office 10 isip Best NUP of the Year in Police Community Relation atol sa ika-20 Anyos nga kasaulogan sa Police Community Relation Month nga bag-o pa lang gisaulog sa tibook nasud.

Sa iyang katungod, gipamulong ni Senior Suprintendent Archival Diokno Macala nga sa maong mga kaakuhan dili lang ipasigarbo sa Team MisOcc ang nahimo sa mga ginsakpan niini kun dili sa tibook kapolisan sa Nasud.(Oroquieta News Bureau)