MAYOR ALDONG, NAG-AWHAG SA MGA KATAWHAN NGA MANANOM OG DRAGON FRUIT
OZAMIZ CITY, MISAMIS OCCIDENTAL - Gidasig karon
ni Mayor Reynaldo Parojinog Sr ang mga Ozamiznon ilabi na ang mga mag-uuma sa kabukiran nga mananom og
dragon fruit.
Nagkanayon
ang Mayor nga dako og mahatag nga kaayohan alang sa mga local Farmers ang dragon
fruit gumikan sa kasayon ug kadali sa pag-atiman niini.
Sulod sa
siyam kabulan mahimo na kining ma-harvest pinaagi sa organic farming, walay
gipiling panahon sa pagpamunga ug mosukol sa ting-init ug ting-ulan.
Giingung himalitan
ang nasangpit nga matang sa prutas gumikan kay gawas nga kini barato daku pa
gayud kini og mahatag nga kaayohan sa kalawasan labina sa pagwagtang sa mga
seryosong sakit.(Adonie Decena)
