LAING HUT-ONG SA MGA VENDOR SA DAKBAYAN SA OZAMIZ, GIHATAGAN UG DUGANG PUHONAN SA DSWD-BUB

OZAMIZ CITY, MISAMIS OCCIDENTAL - Hingpit nang nadawat ngadto sa mga piniling mga manindahay ug mga kalan-on, sud-an ug mga vendors ang salaping cash nga gikan sa livelihood assistance sa department of social welfare and development-Buttom up Budgeting.

Nasayran  nga duolan sa 20 ka mga recipient gikan sa  sentrong bahin sa dakbayan human gihimu ang  pinakaulahing survey  sa  LGU  aron makapahimulos sa nagpadayong programa sa BUB.

Ang maong mga manindahay ang matag adlaw nga makita nga  mga nabaligya sama sa pagkaon ug mga snacks  kon diin ang gigamit nga mga puhunan inutang gikan lending nga sinimana o binulan nga nagbayad sa interest ug capital.

Sa Financial Assistance nga gipatuman sa DSWD-BUB, hatagan sila og puhunan nga mokantidad og tres mil ngadto na sa singko mil ka pesos alang sa pagpadayon sa ilang negosyo ug bayran kini nga walay interest human sa usa katuig.

Ang mga benepisyaryo nga kumpletong makauli sa kantidad human sa usa katuig, kandidadto na usab kini nga makadawat sa maong livelihood assistance sa mas dako pa ang ihatag nga kantidad.(Adonie Decena)